06.03.2026 | 00:13
Արարատ Միրզոյանը Ջեյհուն Բայրամովի հետ հեռախոսազրույց է ունեցել
ՀՀ գլխավոր հյոպատոս Արմեն Բայբուրդյանն այցելել է Գլենդեյլի Թոմաս Ջեֆերսոն տարրական դպրոց
Հասարակություն
31.01.2019 | 21:31
ՀՀ արտաքին գործերի նախարարությունից տեղեկացնում են, որ ՀՀ գլխավոր հյոպատոս Արմեն Բայբուրդյանն այցելել է Գլենդեյլի Թոմաս Ջեֆերսոն տարրական դպրոց՝ Գլենդեյլի դպրոցների միացյալ շրջանի խորհրդի նախագահ Գրեգ Գրիգորյանի, խորհրդի անդամներ Արմինա Կարապետյանի, Շանթ Սահակյանի, Նաիրի Նահապետյանի և Գլենդեյլի դպրոցական համակարգի կառավարիչ Ուինֆրիդ Ռոբերտսոնի ուղեկցությամբ:
«Դպրոցի սաները գլխավոր հյուպատոսին դիմավորեցին աղուհացով և հայերեն ողջույնի խոսքով: Գլխավոր հյուպատոսը շրջեց դպրոցի դասասենյակներում, ծանոթացավ և զրուցեց հայ և օտարազգի աշակերտների հետ, հետևեց դասաժամերի ընթացքին, ծանոթացավ աշակերտների՝ հայերեն լեզվի, հայ գրականության ու պատմության իմացության մակարդակին:
Գլենդեյլի հանրային դպրոցների FLAG ծրագրի հայերեն բաժնի պատասխանատու Միգանույշ Մելքոնյանը ՀՀ գլխավոր հյուպատոսին ներկայացրեց երկլեզու ուսուցման հայկական բաժնի աշխատանքները: Գլենդեյլի դպրոցների միացյալ շրջանի խորհրդի անդամները գլխավոր հյուպատոսին ներկայացրել են հայերենի ուսուցման մեթոդներն ու հաջողությունները: Դպրոցի հայ աշակերտները ՀՀ գլխավոր հյուպատոսին ներկայացրին հայ գրականության ու երաժշտական նմուշների գեղեցիկ կատարումներով:
Իր խոսքում ՀՀ գլխավոր հյուպատոս Արմեն Բայբուրդյանը բարձր գնահատեց FLAG ծրագիրը, որը հնարավորություն է ընձեռում Գլենդեյլի ամերիկյան հանրային դպրոցներում սովորել գրեթե բոլոր առարկաները և խոստացավ աջակցություն ցուցաբերել այդ ծրագրին»:
Հիշեցնենք, որ օրերս ԱՄՆ-ում գործող հայկական երկու կրթօջախների՝ Սբ Նահատակաց Ֆերահեան երկրորդական և ՀԲԸՄ Մանուկեան-Տեմիրճեան վարժարանների վրա թուրքական դրոշներ էին փակցվել:
