15.01.2025 | 23:34
Իսրայելն ու ՀԱՄԱՍ-ը հրադադարի համաձայնագիր են ստորագրել
Արայիկ Հարությունյանը` ուսուցիչների աշխատավարձերի բարձրացման հնարավորության մասին. ՏԵՍԱՆՅՈՒԹ
Հասարակություն
31.01.2019 | 12:59
Կրթության և գիտության նախարար Արայիկ Հարությունյանը կառավարության հերթական նիստի ավարտից հետո լրագրողների հետ զրույցում անդրադարձավ ավագ դպրոցներին և ուսուցիչների աշխատավարձերին վերաբերող հարցերին։
«Կառավարությունը 1 մլրդ դրամ պետք է տրամադրի ավագ դպրոցներին, որպեսզի ուսուցիչների աշխատավարձը չիջնի։ Պետք է ամեն ինչ անենք, որպեսզի նրանց աշխատավարձը բաձրանա»,- նշեց Արայիկ Հարությունյանը։
Նախարարը, խոսելով ուսուցիչների էթիկայի կանոնագրի հետ կապված աղմուկի մասին, համոզմունք հայտնեց, որ դրանում ոչ մի արտառոց բան չկա։
Անդրադարձ կատարվեց նաև ուսուցիչներին պաշտպանելու համար նախատեսված պայմանագրերի ներդրման մասին։
«Ես գիտեմ, որ կան դեպքեր, երբ ծնողները հանիրավի մեղադրում են ուսուցիչներին։ Կանոնագիրն ու պայմանագրերը հստակ կսահմանեն ծնողների և ուսուցիչների պարտականություններն ու իրավունքները»,- նշեց նախարարը։
Մանրամասները՝ տեսանյութում:
Նելլի Մելքոնյան
