15.05.2026 | 12:10
ՀՀ-ում ասիական հանցավոր խմբավորում է բացահայտվել // Ադրբեջանով 14 վագոն ցորեն է գալիս ՀՀ․ ԼՈՒՐԵՐ
ՀՀ գիտությունների ազգային ակադեմիայում մեկնարկում է գիտական սեմինար. գիտական զեկույցով հանդես է գալու ՀՀ նախագահը
Հասարակություն
25.01.2019 | 13:24
Հունվարի 26-ին՝ ժամը 14.30-ին, ՀՀ գիտությունների ազգային ակադեմիայում (հասցե` ք. Երևան, Բաղրամյան 24) մեկնարկում է գիտական սեմինար, որի ընթացքում ողջույնի խոսքով և «Համաշխարհային ռիսկերի քվանտային վարքագիծը» թեմայով գիտական զեկույցով հանդես է գալու Հայաստանի Հանրապետության նախագահ Արմեն Սարգսյանը. տեղեկացնում է ՀՀ ԿԳՆ գիտության կոմիտե տեղեկատվության և հասարակայնության հետ կապերի բաժինը:
Զեկուցումներ են ունենալու նաև Իտալիայի Հանրապետության ազգային հետազոտական խորհրդի նախագահ Մասիմո Ինգուշոն, ՀՀ ԿԳՆ գիտության կոմիտեի նախագահ Սամվել Հարությունյանը և այլ ճանաչված գիտնականներ:
Ծանոթացում.
գիտական սեմինարը կազմակերպվել է հունվարի 24-26-ը Երևանում գտնվող Իտալիայի Հանրապետության ազգային հետազոտական խորհրդի պատվիրակության պաշտոնական այցի շրջանակներում:
Այցելությունը կազմակերպվել է ՀՀ ԿԳՆ գիտության կոմիտեի, ՀՀ գիտությունների ազգային ակադեմիայի կողմից՝ Հայաստանի Հանրապետության և Իտալիայի Հանրապետության նախագահների բարձր հովանու ներքո:
Այցելության շրջանակներում նախատեսվում է ՀՀ ԿԳՆ գիտության կոմիտեի և Իտալիայի Հանրապետության ազգային հետազոտական խորհրդի միջև ստորագրել Գիտության և տեխնոլոգիաների ոլորտներում համագործակցության ծրագիր, կազմակերպել պաշտոնական հանդիպումներ, այցելել գիտական կազմակերպություններ:
