15.05.2026 | 12:10
ՀՀ-ում ասիական հանցավոր խմբավորում է բացահայտվել // Ադրբեջանով 14 վագոն ցորեն է գալիս ՀՀ․ ԼՈՒՐԵՐ
Պլեխանովի անվան համալսարանի Երևանի մասնաճյուղին 2100 քմ տարածք տրվեց անհատույց
Հասարակություն
24.01.2019 | 12:54
Կառավարության հունվարի 24-ի որոշմամբ՝ Երևանի Ա. Արզումանյան 5 հասցեում գտնվող 2100 քմ ընդհանուր մակերեսով հողատարածքը մինչև 2023 թվականի հուլիսի 10-ը անհատույց օգտագործման իրավունքով կհանձնվի Բարձրագույն կրթության Դաշնային պետական բյուջետային ուսումնական հաստատություն «Գ.Վ.Պլեխանովի անվան Ռուսաստանի տնտեսագիտական համալսարանի» Երևանի մասնաճյուղին:
«Տարիներ առաջ Մոսկվայի տնտեսագիտության, վիճակագրության և ինֆորմատիկայի պետական համալսարանին ընդհանուր օգտագործման իրավունքով հատկացվել էր Ա. Բլոկի անվան թիվ 122 հիմնական դպրոցի շենքի մարզահրապարակը, ավելի ուշ կատարվել է արդեն դպրոցի շենքի սեյսմակայունության ուսումնասիրություն ու եզրակացվել, որ շենքը ենթակա է քանդման, ոչ թե ամրացման: Համապատասխանաբար նրա փոխարեն պետք է կառուցվի նորը: Այդ կառուցման նպատակով անհրաժեշտ է, որ մարզահրապարակի մի մասն առանձնացվի ու օգտագործվի կառուցապատման նպատակներով»,- ասաց հարցի զեկուցող Տնտեսական զարգացման և ներդրումների նախարար Տիգրան Խաչատրյանը:
Ներկայացված որոշման նախագծով առաջարկվում է 4720 քմ ընդհանուր մակերեսով միայն 2100 քմ թողնել այն հաստատությանը, որն այժմ կոչվում է Պլեխանովի անվան Ռուսաստանի տնտեսագիտական համալսարան, և մյուս մասը վերադարձնել դպրոցի կառուցապատման ծրագրին:
