16.01.2025 | 12:54
Վորոնեժի նահանգապետը հայտարարել է ԱԹՍ-ի հարվածից հետո նավթի պահեստում բռնկված հրդեհի մասին
Երբ պաշտոնավորները իրենք իրենց են պարգևատրում, նշանակում է՝ կադրային քաղաքականության մեջ սխալներ ունենք․ Լևոն Թոքմաջյան․ՏԵՍԱՆՅՈՒԹ
Հասարակություն
22.01.2019 | 13:25
«Թեև տեղի ունեցավ հեղափոխություն, և մենք այժմ ապրում ենք այնպիսի ժամանակներում, երբ իշխանությունը պատկանում է ժողովրդին, տեսնում ենք, որ նորից պաշտոնավորները իրենք իրենց են պարգևատրում, մանկապարտեզներ են թալանում՝ հանուն իրենց բիզնեսի, իսկ սա նշանակում է, որ մենք ունենք կադրային սխալ քաղաքականություն»,- այսօր հրավիրված մամուլի ասուլիսի ժամանակ իր մտահոգությունները հայտնեց քանդակագործ Լևոն Թոքմաջյանը:
«Ստեղծված այս իրավիճակը նշանակում է, որ կադրային քաղաքականության մեջ սխալներ ունենք, իսկ այն մարդիկ, որոնք նշանակվել են պաշտոնի, գցում են Կառավարության հեղինակությունը, և դրա կողքին կուսակցության ղեկավարն ասում է, որ ամեն ինչ նորմալ է և թույլատրելի։ Փաստորեն մեր միակ ձեռքբերումն այն է, որ մենք հիմա պարզապես ամեն ինչ իմանում ենք, ինչի հնարավորությունը նախկինում չկար»,- այսօր հրավիրված մամուլի ասուլիսի ժամանակ ասաց նա։
Քանդակագործն անդրադարձավ վերջին շրջանում ամենաշատ քննարկվող թեմաներից մեկին՝ Սփյուռքի և Մշակույթի նախարարությունների փակմանը և նշեց, որ ինքը համաձայն է, որ Մշակույթի նախարարությունը դառնա վարչություն, միայն թե աշխատեն. «Այս դեպքում, կարծում եմ, որ քանակը որակ չի ստեղծում»։
Մանրամասները՝ տեսանյութում։
