21.01.2026 | 18:32
Մենք մեր Միշիկը չունենք, որ ծրարով փող տա, չենք էլ ուզում․ Փաշինյանը՝ Խամոյանին․ ՏԵՍԱՆՅՈՒԹ
Կրթության ոլորտի քաղաքականացումը բերել է կրթության որակի խեղաթյուրման և անկման. Լարիսա Մինասյան
Հասարակություն
27.12.2018 | 15:37
Կրթական հաստատությունների ապաքաղաքականացվածությունը հեղափոխությունից հետո իսկապես դարձել է մեր բարեփոխումների լոկոմոտիվը: «Կրթության ոլորտի հիմնախնդիրները. կառավարության կատարած աշխատանքն ու ապագա ծրագրերը» թեմայով քննարկմանն ասաց «Բաց հասարակության հիմնադրամներ-Հայաստան» հիմնադրամի գործադիր տնօրեն Լարիսա Մինասյանը:
«Մենք՝ որպես կազմակերպություն, թերևս առաջինն ենք տեսել ու բարձրաձայնել այդ պրոբլեմների մասին: Բայց մեր տեսածը, տարիների ընթացքում մեր նկարագրածը մի քիչ տարբեր է նրանից, ինչը հիմա փորձում են լուծել: Ես շարունակում եմ մնալ այն կարծիքին, որ մեր տեսածն ինչ-որ ձևով ավելի իրատեսական է, քանի որ ավելի խորքային է: Այդ պրոբլեմն ավելի մակերեսային է հասկացվում»,- նշեց նա:
Լարիսա Մինասյանի խոսքով՝ կրթության ոլորտի քաղաքականացումը տարիների ընթացքում բերել է կրթության որակի այնպիսի խեղաթյուրման ու անկման, որ քաղաքականացումը դիտարկվում է հենց միայն քաղաքական՝ կուսակցականացման իմաստով: «Բայց խնդիրը դա չէ: Որևէ ձևով, որևէ ռազմավարական թուղթ մշակելով այդ նամակների տարափը չի պակասի, որովհետև համակարգը դեռ զավթված կմնա»,- հավելեց բանախոսը:
Մանրամասները՝ տեսանյութում:
