17.09.2026 | 23:07
Կառլեն Հովհաննիսյանն առաջին գոլն է խփել «Ակրոնում». ՏԵՍԱՆՅՈՒԹ
Կրթության ոլորտում քաոսային իրավիճակ է, որը կառավարման լուրջ դժվարությունների է բերելու. փորձագետ. ՏԵՍԱՆՅՈՒԹ
Հասարակություն
27.12.2018 | 13:04
2018 թվականի սկզբին կրթության հարցերում բոլորիս տրամադրվածությունը հոռետեսական էր, իսկ այս պահին կրթության ոլորտում բավական քաոսային իրավիճակ ունենք: «Կրթության ոլորտի հիմնախնդիրները. կառավարության կատարած աշխատանքն ու ապագա ծրագրերը» թեմայով քննարկման ժամանակ նման կարծիք հայտնեց կրթության փորձագետ Սերոբ Խաչատրյանը:
«Այս պահին մենք ունենք կրթության ոլորտում բավական քաոսային իրավիճակ, հատկապես՝ ուսումնական հաստատություններում. ներսում խժդժություններ կան, մեկը տնօրենին է դատի տալիս, մի տեղ մրցույթի պրոբլեմ է: Հիմա նախարարության հիմնական մարտահրավերներից մեկը կառավարման որոշակի կայուն վիճակ ապահովելն է: Եթե սա երկար շարունակվեց, կարծում եմ՝ շատ դժվար է լինելու կառավարել համակարգը»,- հավելեց նա:
Փորձագետն ընդգծում է կրթության զարգացման պետական ծրագրին արագորեն ընթացք տալու անհրաժեշտությունը: «Ցավոք՝ 2016 թվականի հունվարի 1-ին մենք այդ ծրագիրը պետք է ունենայինք, այսօր արդեն 2018-ի դեկտեմբերի 27-ն է, ուղիղ երեք տարի ծրագիրը չկա: Դա ոչ միայն օրենքի խախտում է, բայց շատ ավելի խորը խնդրի մասին է խոսում, որ մեր կրթական համակարգում բացակայում է ռազմավարությունների շուրջ քննարկումներ անելու, տարբեր խմբերի հետ կոնսենսուսների գալու, խորքային քննարկումներ անելու մշակույթը»,- նշեց Սերոբ Խաչատրյանը:
Մանրամասները՝ տեսանյութում;
