21.01.2026 | 18:23
Փաշինյանին միացած եպիսկոպոսները չեն մասնակցի Եպիսկոպոսաց ժողովին // Պուտինը կընդունի Թրամփի բանագնացին․ ԼՈՒՐԵՐ
ԲՀԿ-ն դեռ որոշում չի կայացրել ԱԺ փոխնախագահի թեկնածուի հարցում
Քաղաքականություն
20.12.2018 | 14:57
«Բարգավաճ Հայաստան» կուսակցության քաղաքական խորհուրդը դեռևս քննարկում է ԱԺ փոխնախագահի թեկնածուի հարցը: Ֆեյսբուքի իր էջում այս մասին գրել է ԲՀԿ խոսնակ Իվետա Տոնոյանը:
«ՀՀ Սահմանադրության և ՀՀ ԱԺ կանոնակարգ օրենքի համաձայն՝ Բարգավաճ Հայաստան կուսակցությունը, որպես խորհրդարանում ներկայացված մեծությամբ երկրորդ քաղաքական ուժ և պատգամավորների քանակով ամենամեծ ընդդիմադիր խմբակցություն՝ 7-րդ գումարման Ազգային ժողովի անդրանիկ նիստի ժամանակ ներկայացնելու է ԱԺ նախագահի տեղակալի թեկնածություն: ԲՀԿ քաղաքական խորհուրդն այս պահին քննարկում է թեկնածուի հարցը և առաջիկայում այն կներկայացնենք հանրությանը»,- գրել է Տոնոյանը:
Նշենք, որ խորհրդարան անցած մյուս քաղաքական ուժը՝ «Լուսավոր Հայաստան» կուսակցությունը, որոշել է ԱԺ փոխնախագահի պաշտոնում առաջադրել Մանե Թանդիլյանի թեկնածությունը:
