03.02.2026 | 20:22
Ադրբեջանն ու ԱՄԷ-ն պաշտպանության և էներգետիկայի ոլորտներում համագործակցության փաստաթղթեր են ստորագրել
Տատիկի գրկից ընկած 2-ամյա երեխային վիրահատել են. նրա կյանքին դեռևս վտանգ է սպառնում
28.07.2017 | 18:05
Երևանում հուլիսի 27-ին շենքի 2-րդ հարկի պատշգամբից ընկած 2 տարեկան երեխայի վիճակը կայուն ծանր է: Այս մասին Factor.am-ին հայտնեց Երևանի «Սուրբ Աստվածամայր» բժշկական կենտրոնի վերակենդանացման բաժանմունքի վարիչ Աննա Չոբանյանը:
Հիշեցնենք՝ այսօր՝ հուլիսի 27-ին, արտակարգ դեպք է տեղի ունեցել Երևանում: Ժամը 14:40-ի սահմաններում «Սուրբ Աստվածամայր» բժշկական կենտրոնից Ոստիկանության Երևան քաղաքի վարչության օպերատիվ կառավարման կենտրոն հայտնել են, որ «պոլիտրավմա» ախտորոշմամբ իրենց մոտ է տեղափոխվել մի երեխա: Փոքրիկը հիվանդանոց է տեղափոխվել Ավան վարչական շրջանի Ծարավ աղբյուր փողոցի տներից մեկից:
Պարզվել է, որ նշված տան 2-րդ հարկի պատշգամբի մոտ երեխայի՝ 2-ամյա է. Շ-ի տատիկը՝ 54-ամյա Ա. Ս.-ն, օրորելու ժամանակ երեխային գրկից անզգուշաբար պատշգամբից գցել է:
«Փոքրիկը կոտրվածքներ ունի ձեռքի, ոտքի շրջանում, ունի նաև գլխուղեղի սալջարդ: Մեկ վիրահատություն արվել է այսօր, մեկն էլ կարվի մոտակա օրերին»,- հայտնեց բժշկական կենտրոնի վերակենդանացման բաժանմունքի վարիչը՝ հավելելով, որ երեխայի կյանքին դեռևս վտանգ է սպառնում:
Շողիկ Գալստյան
