12.10.2026 | 19:04
Միլիոններ՝ բյուջեի հաշվին․ ավագանու ՔՊ-ական անդամի ընկերությունը պայմանագրեր է կնքում համայնքի հետ. ՏԵՍԱՆՅՈՒԹ
Կարծում եմ՝ նրանք քաղբանտարկյալներ չեն․ Արտակ Զեյնալյանը՝ «Սասնա ծռեր» խմբի անդամների մասին
Հասարակություն
17.12.2018 | 12:27
Արդարադատության նախարարի պաշտոնակատար Արտակ Զեյնալյանն իր հետագա պաշտոնավարման վերաբերյալ որոշման կայացումը կապում է քաղաքական մեծամասնության որոշման հետ և պնդում՝ առաջիկայում դրա մասին հայտնի կդառնա։
«Թե ով կպաշտոնավարի արդարադատության նախարարի պաշտոնում, պարզ կլինի առաջիկայում»,- այսօր հրավիրված մամուլի ասուլիսի ժամանակ, անդրադառնալով իր հետագա պաշտոնավարման հարցին, ասաց Արտակ Զեյնալյանը։
Լրագրողները նախարարի պաշտոնակատարից հետաքրքրվեցին նաև «Սասնա ծռեր» խմբի այն անդամներից, որոնց վրա համաներումը չտարածվեց։
Զեյնալյանը նշեց, որ նրանց քաղաքական բանտարկյալ չի համարում։ «Կարծում եմ՝ նրանք քաղաքական բանտարկյալներ չեն: Համաներման օրենքում բացառություն է կատարված սպանության համար դատապարտվածների մասով»,- ասաց Զեյնալյանը՝ նշելով, որ խմբի անդամների գործի քննությունը շարունակվում է, և իսկ «Սասնա ծռեր» խմբի անդամները իրավունք ունեն դիմելու ՄԻԵԴ։
Նշենք, որ «Սասնա ծռեր» խմբի անդամներից համաներմամբ ազատ չեն արձակվել սպանության համար մեղադրվող Արմեն Բիլյանը և Սմբատ Բարսեղյանը։
Հավելենք, որ համաներմամբ պատժի կրումից ազատ է արձակվել ավելի քան 550 դատապարտյալ։
Աղավնի Սուքիասյան
