18.05.2026 | 23:42
«Անկախ դիտորդ»-ը պահանջում է ազատ արձակել Արթուր Օսիպյանին և պարզաբանում տալ նրա ձերբակալության հիմքերի վերաբերյալ
Մոսկվան կշարունակի նպաստել Բաքվի ու Երևանի երկխոսությանը. Լավրովը՝ Իլհամ Ալիևին
Քաղաքականություն
14.12.2018 | 11:27
Ռուսաստանը ցանկանում է շարունակել նպաստել ղարաբաղյան հակամարտության հարցով Բաքվի և Երևանի երկխոսությանը: Ադրբեջանի նախագահ Իլհամ Ալիևի հետ հանդիպմանն այս մասին ասել է ՌԴ ԱԳ նախարար Սերգեյ Լավրովը, գրում է ՌԻԱ Նովոստին:
«Մենք ցանկանում ենք շարունակել նպաստել ղարաբաղյան հակամարտության կարգավորման հարցով Բաքվի և Երևանի միջև ուղիղ երկխոսությանը»,- ասել է Լավրովը:
Նշենք, որ Ռուսաստանի ԱԳՆ ղեկավարը Բաքվում է՝ Սևծովյան տնտեսական համագործակցության կազմակերպության անդամ պետությունների ԱԳ նախարարների խորհրդի նիստին մասնակցելու նպատակով:
Հայաստանի ԱԳ նախարարի պաշտոնակատար Զոհրաբ Մնացականյանն այս հանդիպմանը չի մասնակցի: ՀՀ ԱԳՆ խոսնակ Աննա Նաղդալյանն ավելի վաղ Factor.am-ին ասել էր, որ խորհրդի նիստին Հայաստանը կներկայացնի ԱԳՆ բազմակողմ և երկկողմ տնտեսական համագործակցության վարչության պետ Աշոտ Քոչարյանը:
ՍԾՏՀ կազմակերպությանն անդամակցում է 12 երկիր՝ Հայաստանը, Ադրբեջանը, Ալբանիան, Բուլղարիան, Հունաստանը, Վրաստանը, Մոլդովան, Ռուսաստանը, Ռումինիան, Սերբիան, Թուրքիան և Ուկրաինան: Մի շարք պետություններ և միջազգային կառույցներ կազմակերպությունում դիտորդի կարգավիճակ ունեն:
