18.05.2026 | 23:42
«Անկախ դիտորդ»-ը պահանջում է ազատ արձակել Արթուր Օսիպյանին և պարզաբանում տալ նրա ձերբակալության հիմքերի վերաբերյալ
Գյումրիում 57-ամյա կնոջը սպանած ռուս զինծառայողի գործը քննող դատավորի անունը հայտնի է
Հասարակություն
14.12.2018 | 11:32
Շիրակի մարզի ընդհանուր իրավասության դատարանը բավարարել է քննչական մարմնի միջնորդությունը կալանավորել ռուսական 102-րդ ռազմաբազայի ռուս զինծառայողին, որը ձերբակալվել էր Գյումրիի Սլոբոդկա թաղամասում դեկտեմբերի 3-ին հավաքարարին մահացու ծեծի ենթարկելու կասկածանքով։
«Դատարանը բավարարել է կալանքի միջնորդությունը: Ռուս զինծառայողի գործը մակագրվել է դատավոր Վահե Միսակյանին», –Factor.am-ին ասաց Բարձրագույն դատական խորհրդի հասարակայնության հետ կապի վարչության պետ Արման Խաչատրյանը։
Հիշեցնենք, որ ավելի վաղ հայտնել էինք, որ դեկտեմբերի 2-ին Գյումրու Սլաբոդկա թաղամասում դաժան ծեծի էր ենթարկվել 57-ամյա մի կին, որը հիվանդանոցի ճանապարհին մահացել էր: Ծեծված կինը Գյումրու Աճեմյան 26 հասցեի բնակիչ Ջուլիետա Ղուկասյանն է: Նա որպես աշխատակից գրանցված է Գյումրու քաղաքապետարանի բնակկոմունալ բաժնում և իրականացնում է փողոցի մաքրման աշխատանքներ:
Աղավնի Սուքիասյան
