16.11.2024 | 18:19
ԵՊՀ-ի բակից մեկնարկել է «Համախմբենք ուժերը՝ կանխենք կոռուպցիան» համապետական արշավը
Ճվճվ Արոյի որդին 2 միլիոն գրավի դիմաց ազատ է արձակվել
Հասարակություն
11.12.2018 | 13:30
Ճվճվ Արո մականվամբ հայտնի Արա Վարդանյանի կրտսեր որդին՝ Սերժ Վարդանյանը, օրերս 2 միլիոն գրավի դիմաց ազատ է արձակվել կալանքից։ Լուրը Factor.am-ի հետ զրույցում հաստատեց Վարդանյանի պաշտպան Վահե Դանիելյանը։
Ըստ մեղադրանքի ՝ Սերժ Վարդանյանը 2017թ․ սեպտեմբերի 12-ին Երևան քաղաքի Հր․ Քոչար փողոցում կայանված Օպել Աստրա մակնիշի ավտոմեքենայի սրահում Կարեն Գասպարյանի պարանոցից քաշել-պոկելու եղանակով հափշտակել է զգալի չափերի՝ 148,000 ՀՀ դրամ արժողությամբ ոսկյա շղթան։
Բացի այդ, Սերժ Վարդանյանն իր երկու ընկերների հետ 2017թ. նոյեմբերի 26-ին «Աֆրիկյաններ» ռեստորանային համալիրի առանձնասենյակներից մեկում, կոպիտ կերպով խախտել են հասարակական կարգը, բացահայտ անհարգալից վերաբերմունք դրսևորել այդ պահին ռեստորանում գտնվող հաճախորդների և աշխատակիցների նկատմամբ, հայհոյել, վիճաբանել իրենց դիտողություն արած մատուցողի հետ, ապա՝ բռնություն գործադրել նրա նկատմամբ։
Ներկայումս կալանքի տակ է նաև Սերժ Վարդանյանի ավագ եղբայրը՝ Սարգիս Վարդանյանը:
