16.10.2026 | 11:53
Ռուսական հարձակման հետևանքով Ումանում հինգ մարդ է տուժել, Լուցկը մնացել առանց էլեկտրամատակարարման
Ռոսսելխոզնադզորը ՀՀ-ից պահանջել է կասեցնել կենդանիների կեր արտադրողի արտադրանքի՝ ՌԴ մատակարարումների հավաստագրումը
Տնտեսություն
16.10.2026 | 11:06
Ռոսսելխոզնադզոր դիմել է Հայաստանի սննդամթերքի անվտանգության տեսչական մարմնին՝ խնդրելով հոկտեմբերի 15-ից կասեցնել «Մոդուս Գրանում» ընկերության արտադրանքի՝ ռուսաստանյան ստացողների համար անասնաբուժական հավաստագրումը։ Այս մասին նշվում է գերատեսչության ծանուցման մեջ, գրում է Ինտերֆաքսը։
Սահմանափակումը կգործի մինչև Ռոսսելխոզնադզորի մասնագետների կողմից ընկերությունում ստուգման իրականացումը։ Մինչև հոկտեմբերի 15-ը բեռնված արտադրանքը կընդունվի սովորական կարգով։
Սահմանափակումների պատճառը չի նշվում։
Միաժամանակ, հաղորդվում է, որ «Մոդուս Գրանում» ընկերությունը, որն արտադրում է ձկների, խոշոր եղջերավոր անասունների, թռչունների և ճագարների համար կերեր, Ռոսսելխոզնադզորի ուշադրության կենտրոնում է հայտնվում ոչ առաջին անգամ։
Նմանատիպ որոշում ընկերության նկատմամբ ընդունվել էր նաև 2022 թվականի հոկտեմբերին, երբ ձկների կերի նմուշներում արձանագրվել էր գենետիկորեն ձևափոխված օրգանիզմների թույլատրելի մակարդակի գերազանցում, ինչպես նաև չգրանցված գենետիկորեն ձևափոխված օրգանիզմների գծերի առկայություն։
Թարգմանությունը՝ Էմմա Չոբանյանի
