20.10.2026 | 14:05
ՔՊ-ն ԿԲ խորհրդի անդամի պաշտոնում առաջադրել է Սևակ Միքայելյանի թեկնածությունը․ ՏԵՍԱՆՅՈՒԹ
Թուրքիայում դպրոցներից մեկում հրաձգության հետևանքով ուսուցիչ է սպանվել
Քաղաքականություն
28.09.2026 | 18:19
Թուրքիայի Հարավային Օսմանիե նահանգում ավագ դպրոցի բակում ուսուցիչ է սպանվել կրակոցի հետևանքով։ Կրակոցները հնչել են Չարդակ գյուղի Ֆարաբի Անադոլու ավագ դպրոցի տարածքում, հայտնել է նահանգապետ Մեհմեթ Ֆաթիհ Սերդենգեչթին։ Կասկածյալը, ենթադրաբար, չգրանցված հրազենով կրակել է ուսուցչի վրա։ Վերջինը մահացել է, գրում է Bianet-ը։
Ոստիկանությունը ձերբակալել է կասկածյալին և առգրավել հրազենը, որը, ենթադրաբար, օգտագործվել է կրակոցի ժամանակ։ Լրատվամիջոցների հաղորդմամբ՝ կասկածյալը ուսուցչի եղբորորդին է։ Նահանգապետը հայտնել է, որ կասկածյալի և ուսուցչի միջև նախկինում վեճ է եղել։
«Միջադեպի առնչությամբ դատաքննություն է իրականացվում», – ասել է Սերդենգեչթին։
Կրակոցները տեղի են ունեցել դպրոցների հարևանությամբ հրազենի հետ կապված երկու այլ միջադեպերից հետո։
Այսօրվա սկզբին 13-ամյա աշակերտ էր հայտնաբերվել և ձերբակալվել Վանում, երբ մոտակայքում գտնվող ծնողները նկատել էին, որ նա որսորդական հրացան է բերել դպրոց։
Անցյալ շաբաթ էլ Մանիսա նահանգում 15-ամյա աշակերտն ավագ դպրոցի մոտ որսորդական հրացանով կրակ էր բացել՝ վիրավորելով 11 մարդու։
Թարգմանությունը՝ Էմմա Չոբանյանի
