15.10.2026 | 14:55
Սամվել Կարապետյանը դատի է տվել Արկադի Վարդանյանին․ պահանջում է ներողություն խնդրել և 1 մլն դրամ փոխհատուցում վճարել
ԱՄՆ առաջարկը` ՀՀ Ֆինանսների նախարարության օրակարգում
Տնտեսություն
26.07.2017 | 22:53
ՀՀ ֆինանսների նախարարությունը քննարկել է ԱՄՆ-ի առաջարկը, որը վերաբերում է կրկնակի հարկումից խուսափելու մասին հնարավոր պայմանագրի ստորագրմանը:
Հիշեցնենք` այս մասին օրերս խոսել է ԱՄՆ կոնգրեսական Բրեդ Շերմանը՝ նշելով, որ հայ-ամերիկյան տնտեսական գործընկերության զարգացման համար կարևոր դեր ունի երկու պետությունների միջև կրկնակի հարկումից խուսափելու պայմանագրի մշակումն ու ստորագրումը: Նա նաև կոչ է արել Պետքարտուղարության ներկայացուցիչներին հորդորել ԱՄՆ-ի ֆինանսների նախարարությանը առաջնահերթության կարգով մշակել Հայաստանի հետ հարկային պայմանագիրը:
Factor.am-ը գրել էր, որ հայկական կողմից այս առաջարկի հետ կապված որևէ արձագանք չկա: Չնայած Ֆինանսների նախարարությունից խոստացոլ էին վաղը հարցին անդրադառնալ, այնուամենայնիվ քիչ առաջ Factor.am-ին տեղեկացրեցին` հարցն իրենց օրակարգում է, ավելին` դրա հետ կապված այսօր նախարարությունում քննարկում է տեղի ունեցել։
Բացի այդ, վստահեցրեցին` Վարդան Արամյանն անձամբ վաղը հարցի հետ կապված պարզաբանմամբ հանդես կգա։
Շողիկ Գալստյան
