01.11.2026 | 21:56
Լրագրողներն այցելել են բանակային դիրք ու ամրացված շրջան, հանդիպել Սուրեն Պապիկյանի հետ
Հայաստանում այսօր բռնաբարվում է գույքային իրավունքը․ Լիլիթ Գալստյան․ ՏԵՍԱՆՅՈՒԹ
Հասարակություն
14.09.2026 | 13:38
«Հայաստան» դաշինքի ներկայացուցիչ Լիլիթ Գալստյանը հրավիրված ասուլիսի ժամանակ ահազանգեց դատաիրավական համակարգի անկախության կորստի և քաղաքական հետապնդումների մասին՝ ընդգծելով, որ ապօրինի որոշումների տակ ստորագրած անձինք, վաղ թե ուշ, պատասխանատվություն են կրելու։
Պատգամավորի խոսքով՝ ներկայումս ընթացող քննարկումները վերաբերում են դատական համակարգի անկախության իսպառ կորստին։ Չնայած միջազգային իրավունքը և եվրոպական ստանդարտները երբեմն ենթարկվում են քաղաքական կոնյունկտուրային, Հայաստանը, լինելով միջազգային իրավական ընտանիքի մաս, պետք է օգտագործի բոլոր հնարավոր իրավական խողովակները։ Լիլիթ Գալստյանն ընդգծեց, որ երկրում բառացիորեն ոտնահարվում են քաղաքացիների գույքային, սահմանադրական, կոնվենցիոն և քաղաքական իրավունքները։ Որպես օրինակ՝ նա նշեց 60,000 ընտրողների ձայների «գողությունը», որի վերաբերյալ առաջիկայում սպասվում է Կենտրոնական ընտրական հանձնաժողովի նախագահի զեկույցը։
Բանախոսի պնդմամբ՝ երկրում խախտվում են քաղաքական ամենակարևոր իրավունքները, այդ թվում՝ ընտրության իրավունքն ու անմեղության կանխավարկածը։ Նա անդրադարձավ ՀՀ երկրորդ նախագահ Ռոբերտ Քոչարյանի, նրա որդու՝ Սեդրակ Քոչարյանի, ինչպես նաև Սամվել Կարապետյանի և Անդրանիկ Թևանյանի դեմ իրականացվող գործընթացներին։ Մասնավորապես, Անդրանիկ Թևանյանի գործով դատարանում ներկայացված եզրակացությունը, ըստ նրա, որևէ աղերս չունի նախնական փաստաթղթի հետ, ինչը վկայում է անձի ազատության սահմանափակման ու իրավունքների ոտնահարման մասին։
Մանրամասները՝ տեսանյութում։
Եվգենյա Համբարձումյան
