06.10.2026 | 00:38
Ազգերի լիգա. Հայաստանի հավաքականը ոչ-ոքի խաղաց Չեռնոգորիայի հետ
Չեմ պատրաստվում հրաժարական տալ, շատ տափակ հումոր էր․ Ռուբինյանը՝ Ղազարյանին․ ՏԵՍԱՆՅՈՒԹ
Քաղաքականություն
14.09.2026 | 10:44
ՀՀ Ազգային ժողովի 9-րդ գումարման երկրորդ նստաշրջանի մեկնարկին՝ օրակարգի նախագծի քննարկման ժամանակ, թեժ բանավեճ ծավալվեց ԱԺ նախագահ Ռուբեն Ռուբինյանի և ընդդիմադիր «Ուժեղ Հայաստան» խմբակցության պատգամավոր Էդգար Ղազարյանի միջև։
Օրակարգի նախագիծը ներկայացնելուց հետո հարցուպատասխանի համար գրանցված Էդգար Ղազարյանը հետաքրքրվեց, թե ինչու շրջանառության մեջ դրված չորս օրենսդրական նախագծերն ու ԿԸՀ հաղորդումը չեն քննարկվել մշտական հանձնաժողովներում և չեն ընդգրկվել նստաշրջանի օրակարգում։
Ապա պատգամավորը հարց ուղղեց հենց Ռուբեն Ռուբինյանին․ «Ազգային ժողովի օրակարգից երևում է, որ ներառված չէ ԱԺ նախագահի ընտրության հարցը: Կարո՞ղ ենք ենթադրել, որ Դուք մտադիր չեք հրաժարական ներկայացնել այս քառօրյայի ընթացքում, որպեսզի մենք հնարավորություն ունենանք Ազգային ժողովին արժանի նախագահ ընտրել»։
Արձագանքելով հարցադրմանը՝ Ռուբեն Ռուբինյանը նշեց․ «Վերջին մասով չգիտեմ՝ պետք է ժպտայի՞, պիտի հրճվեի՞, ծիծաղեի՞․ կարծում եմ՝ անհաջող հումոր էր, պարո՛ն Ղազարյան։ Եթե ուղիղ պատասխանեմ Ձեր հարցին՝ էն կանխավարկածով, որ հումոր չէր, և Ձեզ ձեռք է տալիս, որ մենք կարծենք, որ դա հումոր չէր որովհետև եթե հումոր էր, էլի կրկնում եմ՝ շատ տափակ հումոր էր, բայց եթե ուղիղ պատասխանեմ՝ ոչ, չեմ պատրաստվում հրաժարական տալ»։
Ռուբինյանը հավելեց, որ օրենսդրական նախագծերի մասով որևէ ընթացակարգային կամ կանոնակարգի խախտում տեղի չի ունեցել, և առաջարկեց մանրամասների համար դիմել համապատասխան հանձնաժողովներին։
Մանրամասները՝ տեսանյութում։
Անի Թամրազյան
