30.03.2026 | 22:48
Ուկրաինան ներողություն է խնդրել Ֆինլանդիայից ԱԹՍ-ների միջադեպի համար
«Դեկտեմբերի 7-ը շրջադարձային օր էր իմ կյանքում». ԱՄՆ Կանզասի նահանգապետ Ջեյֆ Քոլյեր. ՏԵՍԱՆՅՈՒԹ
Տեսանյութեր
07.12.2018 | 12:39
Մեկ էլ 30 տարի առաջ էր Կանզասի նահանգապետ Ջեյֆ Քոլյերը եղել Գյումրիում։ Այսօր նա ելույթ ունեցավ երկրաշարժի զոհերի հիշատակի միջոցառմանը։ Որպես վիրաբույժ կամավորական սկզբունքներով աշխատել է տարբեր երկրներում։ Պարոն Քոլյերը մի պատմություն պատմեց, ասելով որ դեկտեմբերի 7-ը շրջադարձային օր էր իր կյանքում. «Այդ օրը ես գնացի պետական դեպարտամենտ աշխատելու և լսեցի աղետի մասին լուրը։ Տեսանք նկարներ Գյումրիից և հասկացանք, որ հազարավոր մարդիկ իրենց կյանքն են կորցրել։ Այդ օրը երբեք չեմ մոռանա։ Նախագահ Ջորջ Բուշ ավագը Ռեյգանի հետ հանդիպում էին Գորբաչովին, հեռախոսով կապվեցինք նորընտիր նախագահ Բուշի հետ և բարձրախոսի վրա դրեցի հեռախոսը։ Նկարագրեցինք Հայաստանի աղետը, և Բուշն արձացանքեց՝ մենք պետք է օգտակար գտնվենք։ Թեև մինչ այդ Խորհրդային Միությունը երբեք ԱՄՆ-ից չէր ընդունել օգնության առաջարկ, այդուհանդերձ, համարեց, որ կարևոր է Հայաստանին օգնել։ Նախագահ Բուշը խոսեց Գորբաչովի հետ, և մեզ ասաց՝ լավ կլինի օդանավ պատրաստեք։ Մի քանի ժամ անց 70 ամերիկացիների թիմով մենք ուղևորվեցինք Հայաստան»։
Ամերիկացիներն առաջինը Գյումրի են եկել՝ ականատես լինելով աննկարագրելի ցավալի տեսարանի։ Չնայած դրան, պարոն նահանգապետն ասում է՝ սիրո և բարության ֆանտաստիկ ոգի տեսան այստեղ։
«Այն ժամանակ, երբ այցելեցինք Հայաստան, մտածում էինք, որ այս երկրի լավ օրերը մնացին անցյալում։ Մինչդեռ այսօր վստահ ենք, որ Հայաստանի լավագույն օրերը դեռ առջևում են։ Ասեմ թե ինչու։ Շատերի համար պահերը կարող են անցողիկ լինել, բայց ոչ, հայերը հիշում են։ Եվ դա է ձեզ հատուկ դարձնում։ Հայաստանը հատուկ կերպով շարժեց իմ, իմ ընտանիքի, Կանզասի ու ամբողջ աշխարհի սիրտը։ Անկախ ամեն ինչից՝ Հայաստանը կմնա մեր բարեկամը», -ասում է Ջեյֆ Քոլյերը։
