11.09.2026 | 11:54
ՀՀ քննչական կոմիտեի և ՉԺՀ հանրային անվտանգության նախարարության միջև ստորագրվել է փոխըմբռնման հուշագիր
Բաքուն դիվանագետների այց է կազմակերպել Արցախ․ մասնակիցների թվում է ԵՄ հատուկ ներկայացուցիչ Մագդալենա Գրոնոն
Քաղաքականություն
11.09.2026 | 10:50
Բաքուն հայաթափված Արցախի շրջաններ հերթական քարոզչական այցն է կազմակերպել։ Ադրբեջանական լրատվամիջոցների հաղորդմամբ՝ մեկնարկել է Ադրբեջանում հավատարմագրված օտարերկրյա դիվանագիտական կորպուսի ներկայացուցիչների երկօրյա այցը Արցախի շրջաններ։ Նրանց ուղեկցում է Ադրբեջանի նախագահի օգնական, նախագահի աշխատակազմի արտաքին քաղաքականության հարցերով բաժնի ղեկավար Հիքմեթ Հաջիևը։
Այցին մասնակցում է 58 երկիր և ինը միջազգային կազմակերպություն ներկայացնող 150 անդամից բաղկացած պատվիրակություն։
Հաղորդվում է, որ այցի ընթացքում օտարերկրյա դիվանագետները կծանոթանան Ստեփանակերտում և Շուշիում, ինչպես նաև Մարտակերտի և Քարվաճառի շրջաններում իրականացվող նախագծերին, պատմամշակութային ժառանգության վայրերի ներկայիս վիճակին։
Այցին մասնակցում է նաև Հարավային Կովկասի հարցերով Եվրամիության հատուկ ներկայացուցիչ Մագդալենա Գրոնոն։
Հավելենք, որ վերջերս Caucasus Heritage Watch կազմակերպությունը հայտնել էր Ադրբեջանի կողմից Շուշիի հին հայ-ռուսական գերեզմանոցի ոչնչացման մասին՝ արբանյակային լուսանկարների վերլուծության հիման վրա: Գերեզմանոցում գտնվել են միջնադարյան հայկական խաչքարեր և 19-րդ դարի հայկական ու ռուսական տապանաքարեր, որոնք թվագրվում են 1810-1871 թվականներով։ CHW-ի տվյալներով՝ գերեզմանոցի ավերումը տեղի է ունեցել 2026 թվականի մայիսի 9-ից 14-ն ընկած ժամանակահատվածում:
Թարգմանությունը՝ Էմմա Չոբանյանի
