Սիրուշոն մինչ նախագահ Քոչարյանի հարս դառնալը հայտնի աստղ էր, բայց անօրինական են համարել նրա ընկերություններ՝ 75 000 դրամ հիմնադիր կապիտալով․ Գեղամ Մանուկյան. ՏԵՍԱՆՅՈՒԹ

Լուրեր

22.11.2026 | 01:11
Սերգեյ Ջանջոյան. «Դենիս Ջորկաեֆն արդեն հասցրել է իր իսկ հայտարարած սկզբունքներին դեմ գնալ»
21.11.2026 | 23:51
Դենիս Ջորկաեֆ. «Տեղափոխվում եմ Հայաստան, սովորում եմ հայերեն»
21.11.2026 | 21:28
Դենիս Ջորկաեֆը` ՀՖՖ նախագահի թեկնածու
21.11.2026 | 20:05
3,1 միլիոնի շուրջ կասկածներ․ ինչպե՞ս են հաշվում բնակչության թիվը․ ԱՉՔԻ ՏԱԿ
21.11.2026 | 19:41
GTA VI-ն ռեկորդային վաճառք է գրանցել՝ մեկ օրում ապահովելով 3,79 միլիարդ դոլարի եկամուտ
21.11.2026 | 19:12
Քննարկվել են Հայաստան-Մալթա հարաբերությունների հետագա խորացման հարցեր
21.11.2026 | 19:01
Այսօրվա Երևանն ագրեսիվ քաղաք է, մենք ենք փոխվել, դրան զուգահեռ՝ քաղաքը․ Էմ Կալմուխյան. ՏԵՍԱՆՅՈՒԹ
21.11.2026 | 18:54
Կենտրոնում ամբողջ շաբաթ փոշու պարունակությունը գերազանցել է սահմանային շեմը
21.11.2026 | 18:23
Հայաստանը և Իրանը պայմանավորվել են ընդլայնել համագործակցությունը բարձր տեխնոլոգիաների և նորարարության ոլորտներում
21.11.2026 | 18:02
Փաշինյանն ընդունել է Dell Technologies-ի տարածաշրջանային նախագահին․ քննարկվել են Հայաստանում նոր ներդրումների հնարավորությունները
21.11.2026 | 17:57
Վարչապետը հանդիպում է ունեցել է Խաղաղության Նոբելյան մրցանակակիր Քայլաշ Սաթյարթիի հետ
21.11.2026 | 17:46
ՏԻՄ ընտրությունների նախընտրական փուլում արձանագրվել է 43 միջադեպ և խախտում․ «Անկախ դիտորդ»
21.11.2026 | 17:18
Ինչ եղանակ է սպասվում առաջիկա օրերին
21.11.2026 | 16:54
Ակրոպոլիսի թանգարանում բացվել է հին Հայաստանին նվիրված բացառիկ ցուցահանդես
21.11.2026 | 16:37
Հրդեհ Եղվարդ քաղաքում. հրշեջ-փրկարարները կանխել են հրդեհի տարածումը դեպի հարակից բնակելի տուն
Բոլորը

ԱԺ «Հայաստան» խմբակցության պատգամավոր Գեղամ Մանուկյանը Factor TV-ի եթերում Ռոբերտ Քոչարյանի և նրա որդու դեմ հարուցված քրեական գործը որակել է ամբողջությամբ քաղաքական։

Խոսելով Ռոբերտ Քոչարյանի և նրա որդու դեմ հարուցված քրեական գործի մասին՝ պատգամավորը նշել է․ «Քաղաքական պատվերով, Նիկոլ Փաշինյանի ուղիղ, Ազգային ժողովի ամբիոնից քաղաքական ցուցումով տված հանձնարարականով քննչական մարմիններին․․․ կարած գործ է, և քաղաքական լինելով՝ բնականաբար, ունի քաղաքական դրդապատճառներ, և այդ առումով, մեր համոզմամբ, առաջիկա քաղաքական զարգացումների հետ անմիջական կապ ունի»։

Ըստ Մանուկյանի՝ գործը կապված է նաև իշխանությունների՝ զիջումների գնալու մտադրության հետ․ «Այս իշխանությունների զիջումների նոր խմբաքանակը Ադրբեջանի նկատմամբ, այդ զիջումներն ավելի անարգել դարձնելու համար, իր ձեռքերը շատ ավելի ազատ արձակելու համար իշխանությունները գնացին այդ գործողություններին»։

Անդրադառնալով Հայաստանի արտաքին քաղաքականությանը և ԵԱՏՄ-ից դուրս գալու հնարավորությանը՝ Գեղամ Մանուկյանը ներկայացրել է իր դիտարկումը․

«Իրականում հստակ էր մեր դիրքորոշումը՝ և՛ նախագահ Քոչարյանի, և՛ «Հայաստան» դաշինքի, և՛ Հայ հեղափոխական դաշնակցության, որ Հայաստանն իր կողմնորոշումներում և արտաքին քաղաքական առաջնահերթություններում պետք է ելակետ ընդունի Հայաստանի Հանրապետության քաղաքական, տնտեսական, սոցիալական շահերը և շարժումը։ Եվ այդ իրողությունների պայմաններում, մեր կարծիքով, այն հսկայական հնարավորությունները, որ ընձեռնում էր ԵԱՏՄ-ն Հայաստանի Հանրապետությանը, որն անդրադառնում էր մեր ամեն հայրենակցի սոցիալական, կենցաղային մակարդակի վրա, մեր գյուղացու, արտադրողի, վերամշակողի, այդ իրողություններով պայմանավորված՝ Հայաստանը պետք է շարունակեր ակտիվ իր ներգրավվածությունը ԵԱՏՄ-ում»։

Գեղամ Մանուկյանը անդրադարձել է նաև Անդրանիկ Թևանյանի դեմ հարուցված քրեական գործին՝ այն որակելով քաղաքական պատվեր․

«Նիկոլ Փաշինյանը նախընտրական միտինգում հայտարարեց, որ վաղը ԱԱԾ-ն օպերատիվ հաղորդագրության մասին հաղորդում է տալու քննչական կոմիտեին և հարուցվելու է քրեական գործ, որովհետև օտարերկրյա լրտեսական․․․ գաղտնի ծառայության կողմից հավաքագրվել է, լրտեսություն է արել, պետական գաղտնիք է փոխանցել։ Անդրանիկ Թևանյանին հիմա չեն մեղադրում օտարերկրյա գաղտնի ծառայության կողմից հավաքագրված լինելու մեջ, չեն մեղադրում լրտեսության մեջ, չեն մեղադրում 622,000 դոլարի դիմաց գաղտնի տեղեկություններ այլ երկրի գաղտնի ծառայությանը փոխանցելու մեջ։ Բոլոր հիմնական մեղադրանքները հանել են։ Ասում է՝ Անդրանիկ Թևանյանը, լինելով հակաիշխանական ընդդիմադիր հայացքների տեր կուսակցության ղեկավար, իր կուսակցության հզորացման, երիտասարդների մոբիլիզացիայի, հասարակական մեծ ազդեցություն ունենալու համար կազմել է հզորացման ծրագիր՝ ակնկալելով ստանալ 622,000 դոլար»։

Ի պատասխան հարցի, թե ինչու ԱԺ-ի՝ իրենց բնորոշած կեղծված ընտրություններից հետո, ինչպես խոստացել էին, հեղափոխություն չարեցին, Մանուկյանը պատասխանել է․

«Լավ չեղավ հեղափոխություն։ Ընտրողներիցս մեր շատ-շատերն հասկանում են այն տոտալ բռնության, այն ոստիկանական, իրավական համակարգի անօրինականության լայն ուղու վրա դնելու մասին է վկայում։ Ցավոք սրտի դեռ չենք հաջողվել, բայց կհաջողվի»։

 

Հարցազրույցն ամբողջությամբ՝ տեսանյութում։

Ռոբերտ Անանյան