27.09.2026 | 09:01
Համաշխարհային օլիմպիադա. Հայաստանի հավաքականների մրցակիցները վերջին տուրում
Ինչ են քննարկել Սիմոնյանն ու Հաջիևը․ ՏԵՍԱՆՅՈՒԹ
Քաղաքականություն
03.09.2026 | 16:30
Բիշքեկում տեղի ունեցած Փաշինյան-Պուտին հանդիպմանը մասնակցած Անվտանգության խորհրդի քարտուղար Ալեն Սիմոնյանը հրաժարվեց գնահատել՝ արդյոք հայ-ռուսական հարաբերություններում առկա խնդիրները լուծման ճանապարհին են՝ ընդգծելով, որ հանդիպումը ղեկավարել է վարչապետը, իսկ ինքը պարզապես պատվիրակության անդամ է եղել։
Փոխարենը նա մանրամասն խոսեց ադրբեջանական կողմի հետ քննարկումների մասին։ Նրա խոսքով՝ հիմնական օրակարգը եղել է խաղաղության խորացումը։ Սիմոնյանը հայտարարեց, որ ադրբեջանական կողմը, իր գնահատմամբ, անում է խաղաղության ուղղությամբ այն քայլերը, որոնք տվյալ պահին կարող է անել։
Միևնույն ժամանակ, ըստ ԱԽ քարտուղարի, շարունակում են մնալ չլուծված հարցեր՝ մասնավորապես Ադրբեջանում պահվող անձանց և անհետ կորածների վերաբերյալ։
«Մեր համար չկա տարբերակ, որ մենք էդ հարցով չենք զբաղվելու»,- ասաց Սիմոնյանը՝ ընդգծելով, որ գերիների հարցը շարունակելու են պահել օրակարգում։
Factor TV-ն հարց ուղղեց Սիմոնյանին՝ արդյոք առաջիկայում պատրաստվում է մեկնել Ադրբեջան։ «Նման հանդիպում նախատեսվել է ժամանակին, երբ պարոն Գրիգորյանն է եղել և պարոն Հաջիևը եկել է Հայաստանի Հանրապետություն, Դիլիջանում հանդիպում է տեղի ունեցել։ Չեմ բացառում, որ նման այց կանեմ նաև ես, որևիցե ժամկետ, որևիցե կոնկրետ բան չեմ կարող ասել»,- ասաց Սիմոնյանը։
Մանրամասները՝ տեսանյութում։
Արփի Հակոբյան
