03.09.2026 | 15:30
Հայաստանի լրագրողների ֆուտբոլի հավաքականը կմասնակցի Եվրոպայի առաջնությանը, որի գործող չեմպիոնն է
Ադրբեջանի հետ Սահմանադրության հարց չենք քննարկել. դա մեր օրակարգի մեջ չի մտնում. Փաշինյան․ ՏԵՍԱՆՅՈՒԹ
Քաղաքականություն
03.09.2026 | 15:06
Հայաստանի նոր Սահմանադրության նախագիծը գործնականում պատրաստ է և հանրությանը կներկայացվի մինչև տարեվերջ կամ առաջիկա ամիսներին։ Այս մասին Կառավարության նիստից հետո լրագրողների հետ ճեպազրույցում ասաց ՀՀ վարչապետ Նիկոլ Փաշինյանը։
«Գործնականում տեքստը պատրաստ է, պետք է ուղղակի մի վերջին քննարկում անել և հրապարակել»,- նշեց գործադիրի ղեկավարը։
Անդրադառնալով Բիշքեկում Ադրբեջանի նախագահ Իլհամ Ալիևի հետ ունեցած շփմանը և այն հարցին, թե արդյոք քննարկվել է ՀՀ Սահմանադրության փոփոխության թեման՝ Փաշինյանն ընդգծեց, որ Սահմանադրության հարցը երկկողմ օրակարգի մաս չի կազմում։
«Մենք արտաքին գործընկերների և այլ երկրների հետ մեր Սահմանադրության օրակարգը և հարցը չենք քննարկում։ Ընդհակառակը՝ մեր ցանկությունն ու ուղերձն է, որ այլ երկրներ ընդդիմության խոսույթը չվերցնեն և չօգտագործեն, որովհետև դա բացառապես Հայաստանի Հանրապետության ներքին խնդիրն է և չի բխում գործընկերային տրամաբանությունից»,- ասաց վարչապետը՝ հավելելով, որ Ալիևի հետ քննարկել են երկկողմ օրակարգի գործնականում բոլոր հարցերը։
Մանրամասները՝ տեսանյութում։
