27.09.2026 | 10:34
Արտարժույթների փոխարժեքները՝ սեպտեմբերի 27-ի դրությամբ
Իսկ ո՞վ ասաց, որ ԵՏՄ անդամները հավատարմության երդում են տվել, որ մնալու են միության անդամ․ Փաշինյան․ ՏԵՍԱՆՅՈՒԹ
Քաղաքականություն
03.09.2026 | 13:42
ՀՀ վարչապետ Նիկոլ Փաշինյանը լրագրողների հետ ասուլիսի ժամանակ անդրադարձավ Եվրասիական տնտեսական միությունից դուրս գալու իրավական ընթացակարգերին և Հայաստանի որդեգրած դիրքորոշմանը։ Նա շեշտեց, որ պայմանագրով նախատեսված ժամկետները հստակ են, և Երևանն առաջնորդվում է հենց այդ տրամաբանությամբ։
Պատասխանելով այն հարցին, թե ինչու է Հայաստանից ավելի շուտ որոշում պահանջվում, եթե ԵԱՏՄ պայմանագիրը սահմանում է 6-ամսյա ծանուցման ժամկետ, կառավարության ղեկավարը նշեց, որ այդ հարցը բարձրացրել է նաև աշխատանքային քննարկումների ժամանակ։
«Ո՞վ է ասել, որ ԵԱՏՄ անդամ բոլոր երկրները հավատարմության երդում են տվել, որ իրենք իրենց ողջ գոյության ընթացքում լինելու են Միության անդամ։ Այո՛, կողմնորոշվելու ժամկետը սահմանված է վեց ամիս. երկիրը պետք է տեղյակ պահի դուրս գալու որոշման մասին վեց ամիս առաջ»,- նշեց վարչապետը։
Ըստ նրա՝ Հայաստանը հավատարիմ է մնում պայմանագրային այդ դրույթին և ելնում է առկա իրողություններից։ Վարչապետը նաև հավելեց, որ հայկական կողմը շարունակում է հետևողական երկխոսությունը ռուս գործընկերների հետ՝ Հայաստանի այս դիրքորոշումը վերջիններիս համար ավելի հասկանալի և ընդունելի դարձնելու նպատակով։
Մանրամասները՝ տեսանյութում։
Ռոզա Վարդանյան
