05.04.2026 | 11:47
Իրանում փրկվել է անհետ կորած ամերիկացի զինծառայողը․ Թրամփ
«Այս պահին F-35 ռազմական ինքնաթիռների մատակարարումը չեղարկելու հարց չկա». Չավուշօղլու
Տնտեսություն
06.12.2018 | 15:12
Թուրքիայի արտգործնախարար Մևլութ Չավուշօղլուն ՆԱՏՕ-ի անդամ երկրների արտգործնախարարների ժողովին մասնակցելու նպատակով Բրյուսել մեկնելուց առաջ զրուցել է լրագրողների հետ։ Խոսել է ռուս-ուկրաինական հարաբերությունների, ինչպես նաև ամերիկյան նոր սերնդի F-35 կործանիչների մասին, որոնք պետք է մատակարարվեն Թուրքիային. փոխանցում է ermenihaber-ը:
«Թուրքիայի ու ԱՄՆ-ի նախագահներն Արգենտինայում կայացած Մեծ քսանյակի գագաթնաժողովի ընթացքում խոսել են F-35 կործանիչների մասին։ Ընդ որում Թրամփի նախաձեռնությամբ է այդ հարցը քննարկվել։ Մենք չենք ցանկանում, որ այդ ինքնաթիռների մատակարարման հետ կապված որևէ խնդիր լինի։ ԱՄՆ-ի կոնգրեսում որոշ փորձեր եղան, սակայն Թուրքիան F-35 ինքնաթիռների նախագծի կարևոր խաղացողներից մեկն է։ Մատակարարումը չեղարկման հարց այժմ դրված չէ օրակարգում։ Այս պահին խնդիր չենք տեսնում»,-ասել է Թուրքիայի արտգործնախարարը։
Անդրադառնալով Կերչի նեղուցում տեղի ունեցած միջադեպից հետո ռուս-ուկրաինական հարաբերություններում առաջացած նոր լարվածությանը՝ Չավուշօղլուն ասել է.
«Կերչի նեղուցում թե՛ Ռուսաստանը և թե Ուկրաինան ունեն իրավունքներ։ Երկու երկրները որոշ հարցեր պետք է համակարգեն, որպեսզի այլևս չառաջանա նմանատիպ լարվածություն։ Իսկ մենք էլ այդ ուղղությամբ կանենք մեզնից կախված ամեն հնարավորը»,-եզրափակել է Չավուշօղլուն։
