Խոսրով Հարությունյանի ներկայացրած օրենսդրական նախաձեռնությունը Կառավարությունը մերժեց․ ՏԵՍԱՆՅՈՒԹ

Կառավարության դեկտեմբերի 6-ի նիստում Արդարադատության նախարարի պաշտոնակատար Արտակ Զեյնալյանը ներկայացրեց ԱԺ ՀՀԿ-ական պատգամավոր Խոսրով Հարությունյանի ներկայացրած օրենսդրական նախաձեռնությունը, որը վերաբերում է  «Հայաստանի Հան­րապետության ընտրական օրենսգիրք» սահմանադրական օրեն­քում լրացում կա­տա­րելու մասին» և «Կառավարության կառուցվածքի և գործունեության մա­սին» Հայաստանի Հանրապետության օրենքում լրացում կատարելու մասին»  օրենք­ներում փոփոխություններ կատարելուն։

Առաջարկվող փոփոխություններից մեկով, եթե ամրագրվում է այն դրույթը, որ Կառավարությունը ձևավորվում է քաղաքա­կան մեծամասնության կազմից, ապա կառավարության ենթադրյալ անդամները պետք է ընդ­գրկվեն տվյալ կուսակցության նախընտրական ցուցակում, ընդ որում՝ ցուցակի անցողիկ մա­սում, և հետևաբար՝ կստանձնեն ամենաակտիվ մասնակցային դերակատարումը նախ­ընտ­րական մրցապայքարում՝ ներկայացնելով և պաշտպանելով իրենց կուսակցության առա­ջարկվող քաղաքականությունը համապատասխան ոլորտներում:

Արդյունքում՝ այդ թեկնածուները հենց իրենք անձամբ հանրության առջև կուսակցության անունից կստանձ­նեն իրենց վերապահված ոլորտում ընտրողների սպասելիքները բավարարելով քաղաքա­կան պատասխանատվությունը:

Հետևաբար՝ նման համակարգի պարագայում Կառավա­րու­թյունը դառնում է դե ֆակտո ընտրված, քանի որ ընտրողները իրենց քվեն տվյալ կու­սակ­ցությանը տալով, միաժամանակ իրենց վստահությունն են հայտնում հաղթանակի դեպ­քում այդ կուսակցության ձևավորած Կառավարությանը:

Կառավարությունը բացասական եզրակացություն տվեց Խոսրով Հարությունյանի ներկայացրած նախագծին։

Մանրամասները՝ տեսանյութում։