19.08.2026 | 12:34
Հայաստանը մոտակա տասնամյակների ընթացքում չի կարողանալու դառնալ ԵՄ անդամ․ Արեգա Հովսեփյան․ ՏԵՍԱՆՅՈՒԹ
ԱՄՆ-ը պատժամիջոցներ է սահմանել Միջազգային քրեական դատարանի նախագահի և դատախազի նկատմամբ
Քաղաքականություն
19.08.2026 | 11:30
Վաշինգտոնը պատժամիջոցներ է սահմանել Միջազգային քրեական դատարանի (ՄՔԴ) ղեկավար Տոմոկո Ականեի և ավագ դատախազ Աբդուլայ Սայեի նկատմամբ։ Այս մասին X-ում գրել է ԱՄՆ պետքարտուղար Մարկո Ռուբիոն։
Նա ասել է, որ անցյալ ամիս արշավ է սկսել՝ նպատակ ունենալով «վերացնել Միջազգային քրեական դատարանի կողմից ազգային ինքնիշխանությանը ներկայացվող սպառնալիքը»։
«Թրամփի վարչակազմը պատժամիջոցներ է կիրառում ՄՔԴ նախագահ Տոմոկո Ականեի և ավագ դատախազ Աբդուլայ Սայեի նկատմամբ՝ ամերիկացիներին այս կեղծ դատարանից պաշտպանելու մեր անսասան առաքելության շրջանակում»,- գրել է Ռուբիոն։
2025 թվականի փետրվարին ԱՄՆ նախագահ Դոնալդ Թրամփը գործադիր հրամանագիր է ստորագրել, որով պատժամիջոցներ է սահմանել ՄՔԴ-ի նկատմամբ։ Վաշինգտոնի և Հաագայի դատարանի հարաբերությունները լարվել են այն բանից հետո, երբ դատարանը ձերբակալման օրդերներ է տվել Իսրայելի վարչապետ Բենիամին Նեթանյահուի և պաշտպանության նախկին նախարար Յոավ Գալանտի համար։
