05.11.2026 | 11:00
Կառավարության նիստը՝ ՈՒՂԻՂ
ԻՊԱՍ-ը ՄԱԿ-ին ներկայացրել է Ադրբեջանի կրթական համակարգում հայատյացության վերաբերյալ զեկույց
Քաղաքականություն
19.08.2026 | 10:27
«Իրավունքների պաշտպանություն առանց սահմանների» ՀԿ-ն ՄԱԿ-ի Մարդու իրավունքների գերագույն հանձնակատարին ներկայացրել է դիրքորոշում, որում անդրադարձել է Ադրբեջանի կրթական համակարգում հայատյացության դրսևորումներին։ Փաստաթղթում նշվում է, որ հակահայկական կարծրատիպերը տարածվում են դպրոցական դասագրքերի, մանկական գրականության, հայրենասիրական կրթության ծրագրերի, հիշատակի միջոցառումների և բուհական ծրագրերի միջոցով։
««Իրավունքների պաշտպանություն առանց սահմանների» (ԻՊԱՍ) ՀԿ-ն ՄԱԿ-ի Մարդու իրավունքների գերագույն հանձնակատարին է ներկայացրել դիրքորոշում՝ Մարդու իրավունքների խորհրդի «Կրթությունը որպես ռասիզմի, ռասայական խտրականության, քսենոֆոբիայի և դրանց հետ կապված անհանդուրժողականության կանխարգելման գործիք» 57/24 բանաձևի շրջանակում զեկույցի պատրաստման համար։
Փաստաթղթում ներկայացվել է, թե ինչպես է հայատյացությունը համակարգված կերպով ներառվել Ադրբեջանի կրթական համակարգում, ներառյալ՝ դպրոցական դասագրքերը, մանկական գրականությունը, հայրենասիրական կրթության ծրագրերը, հիշատակի միջոցառումները և համալսարանական ուսումնական ծրագրերը։
Զեկույցում ներկայացված փաստերը հիմնավորում են, որ կրթությունը Ադրբեջանում վերածվել է հայերի նկատմամբ ռասայական կարծրատիպերը համակարգված կերպով տարածելու, հավաքական թշնամի կերտելու և թշնամանքը նորմալացնելու միջոցի՝ դառնալով գործիք, որի միջոցով ռասիզմը հաստատվում և վերարտադրվում է սերնդեսերունդ։
Ներկայացված փաստաթուղթը, միաժամանակ, ուշադրություն է հրավիրում կրթական համակարգերի պատասխանատվության վրա՝ խթանելու հավասարությունը, մարդկային արժանապատվությունը, միջմշակութային փոխըմբռնումը և խաղաղ համակեցությունը, մասնավորապես՝ հակամարտությունից դուրս եկող հասարակություններում»,- ասված է հաղորդագրությունում։
