18.12.2025 | 01:35
Տհաճ միջադեպ՝ Արման Ծառուկյանի մենամարտի ժամանակ. ՏԵՍԱՆՅՈՒԹ
Հայաստանի և Ադրբեջանի ԱԳ նախարարները ծրագրում են Ղարաբաղի հարցով հայտարարություն համաձայնեցնել. Զախարովա
Քաղաքականություն
05.12.2018 | 14:06
Հայաստանի և Ադրբեջանի ԱԳ նախարարները ծրագրում են Ղարաբաղի հարցով հայտարարություն համաձայնեցնել: Դեկտեմբերի 5-ին տեղի ունեցած ճեպազրույցում հայտարարել է ՌԴ ԱԳՆ պաշտոնական ներկայացուցիչ Մարիա Զախարովան:
«Միլանում ԵԱՀԿ ԱԳ նախարարների խորհրդի բացման նախօրեին՝ դեկտեմբերի 5-ին, ծրագրված է ղարաբաղյան հակամարտության կարգավորման հարցով Հայաստանի և Ադրբեջանի ԱԳՆ ղեկավարների հանդիպումը՝ ԵԱՀԿ Մինսկի խմբի միջնորդությամբ»,- նշել է Զախարովան:
Նրա խոսքով՝ ծրագրվում է հակամարտության կարգավորման հարցով հայտարարության համաձայնեցում. «Կարծում եմ՝ արդյունքների մասին մանրամասն կտեղեկացվի»:
Նշենք, որ սա ՀՀ ԱԳ նախարարի պաշտոնակատար Զոհրաբ Մնացականյանի և Ադրբեջանի ԱԳ նախարար Էլմար Մամեդյարովի արդեն երրորդ հանդիպումը կլինի: Մինչ այդ նրանք եռանախագահների մասնակցությամբ բանակցել են հուլիսին՝ Բրյուսելում և սեպտեմբերին՝ Նյու Յորքում:
