06.09.2026 | 17:20
Արարատ Միրզոյանը Ռիգայում կհանդիպի Լատվիայի ԱԳ նախարարին
Արամ Հովհաննիսյանը՝ ՊՆ ՌՈ պետ
Քաղաքականություն
17.08.2026 | 14:43
Արամ Հովհաննիսյանը նշանակվել է Պաշտպանության նախարարության ռազմական ոստիկանության պետ:
Ավելի վաղ Factor.am-ի հետ զրույցում Հովհաննիսյանը չէր հերքել նշանակման վերաբերյալ տեղեկությունը` հորդորելով սպասել:
Հիշեցնենք, որ Արամ Հովհաննիսյանը ոստիկանապետի պաշտոնից վարչապետի որոշմամբ ազատվել էր 2025-ի հունիսին: Թե որն էր պատճառը, Արամ Հովհաննիսյանը չէր պարզաբանել:
Նախագահի մեկ այլ հրամանագրով ռազմական ոստիկանության պետի պաշտոնից ազատվել է գեներալ-մայոր Աշոտ Զաքարյանը։ Նա այդ պաշտոնում նշանակվել էր 2020 թվականի օգոստոսի 6-ին:
Ընդգծենք, որ Նիկոլ Փաշինյանը կառավարության նիստից հետո լրագրողների հետ ճեպազրույցում օգոստոսի 13-ին հայտնել էր, որ բանակում արձանագրված մահվան վերջին դեպքի հետևանքով Ռազմական ոստիկանությունում, ինչպես նաև Պաշտպանության նախարարության բարոյահոգեբանական ապահովման վարչությունում կլինեն կադրային փոփոխություններ։ Այս հայտարարությունից կարճ ժամանակ անց Զաքարյանն ազատման դիմում էր գրել:
Եվգենյա Համբարձումյան
