05.09.2026 | 11:03
Վթարային ջրանջատում 3 մարզերում
Արամ Հովհաննիսյանը չհերքեց. նա կնշանակվի ՌՈ պետ
Քաղաքականություն
13.08.2026 | 21:37
Factor.am-ի տեղեկություններով՝ ՊՆ ռազմական ոստիկանության պետ, գեներալ-մայոր Աշոտ Զաքարյանին կփոխարինի նախկին ոստիկանապետ, գեներալ-մայոր Արամ Հովհաննիսյանը:
Մեզ հետ հեռախոսազրույցում Հովհաննիսյանը չհերքեց տեղեկությունը` հորդորելով սպասել:
«Վաղը առավոտյան խոսենք, այս պահին որևէ բան ասել չեմ կարող»:
Հիշեցնենք, որ Արամ Հովհաննիսյանը ոստիկանապետի պաշտոնից վարչապետի որոշմամբ ազատվել էր 2025-ի հունիսին: Թե որն էր պատճառը, Արամ Հովհաննիսյանը չէր պարզաբանել:
Այսօր էլ հստակ պատճառ չնշեց, միայն ասաց․ «Այդ պահին այդպես էր պետք, մի փոքր հանգստանալ էր պետք»:
Հավելենք, որ Զաքարյանը ՊՆ ռազմական ոստիկանության պետի պաշտոնում նշանակվել էր 2020 թվականի օգոստոսի 6-ին:
Ընդգծենք, որ Նիկոլ Փաշինյանը կառավարության նիստից հետո լրագրողների հետ ճեպազրույցում այսօր հայտնել էր, որ բանակում արձանագրված մահվան վերջին դեպքի հետևանքով Ռազմական ոստիկանությունում, ինչպես նաև Պաշտպանության նախարարության բարոյահոգեբանական ապահովման վարչությունում կլինեն կադրային փոփոխություններ։ Այս հայտարարությունից կարճ ժամանակ անց Զաքարյանն ազատման դիմում գրեց:
Հիշեցնենք, որ ՊՆ-ն այսօր հայտնեց, որ օգոստոսի 13-ին հայտնաբերվել է ՊՆ N զորամասի զինծառայող Գրիգոր Էդգարի Զաքարյանի դին՝ հրազենային վնասվածքով: Սա խաղաղ պայմաններում այս տարվա ընթացքում մահվան 12-րդ դեպքն է:
Արփի Հակոբյան
