16.07.2026 | 10:14
Արման Ծառուկյանը չի բացառել մասնակցությունն Օլիմպիական խաղերին
«Ես մե՛զ եմ ԱԱԾ-ով սպառնում». Փաշինյանը՝ թեկնածուներին ԱԱԾ-ով սպառնալու վերաբերյալ Վիգեն Սարգսյանի հայտարարության մասին
Քաղաքականություն
05.12.2018 | 12:21
Մեզ ասում են, որ դավադրության մեջ ենք՝ Արցախը հանձնելու համար, և ԱԱԾ-ն պետք է հրավիրի այդ հայտարարության հեղինակներին, որ եթե պարզվի, որ մենք իրոք դավադրության մեջ ենք, մեր նկատմամբ համապատասխան միջոցներ ձեռնարկի: Դեկտեմբերի 5-ին լրագրողների հետ զրույցում այս մասին ասաց վարչապետի պաշտոնակատար Նիկոլ Փաշինյանը՝ արձագանքելով դիտարկմանը, թե Վիգեն Սարգսյանը հայտարարել է, որ Փաշինյանը թեկնածուներին ԱԱԾ-ով է սպառնում:
«Ընդհակառակը, ես մեզ եմ ԱԱԾ-ով սպառնում, որովհետև մեզ ասում են, որ դուք դավադրության մեջ եք՝ Արցախը հանձնելու համար: Պատկերացրեք՝ մեզ մեղադրում են, և եթե մենք լռության մատնենք, պիտի ասեն՝ ուրեմն ծածկադմփոց են անում, բա ու՞ր են նայում մեր իրավապահ մարմինները: Հիմա կարծում եմ, որ ԱԱԾ-ն պետք է հրավիրի այդ հայտարարության հեղինակներին, և ընտրություններից առաջ պետք է դա անի, որ եթե պարզվի, որ մենք իրոք դավադրության մեջ ենք, մեր ժողովուրդն էլ իմանա, որ մենք դավադրության մեջ ենք, և մեր նկատմամբ համապատասխան միջոցներ ձեռնարկի»,- ասաց Փաշինյանը:
Իսկ եթե պարզվի, որ դա սուտ է, ըստ Նիկոլ Փաշինյանի՝ այդ ժամանակ բոլորը պետք է իմանան, որ ոմանք ստախոս են. «Ընդ որում՝ էժանագին»:
