27.09.2026 | 13:23
ԱՄՆ մեկնել զբոսաշրջային վիզայով՝ ծննդաբերելու և երեխային քաղաքացիություն ապահովելու նպատակով, չի թույլատրվում․ դեսպանություն
Մեր կարողությունների չափով սպասարկել ենք Ղարաբաղից տեղահանվածների քաղաքացիության դիմումները․ Արմեն Ղազարյան. ՏԵՍԱՆՅՈՒԹ
Քաղաքականություն
14.08.2026 | 15:41
Լեռնային Ղարաբաղից բռնի տեղահանված ավելի քան 40,000 անձ արդեն իսկ ձեռք է բերել Հայաստանի Հանրապետության քաղաքացիություն, որոնցից շուրջ 12,000-ից ավելին անչափահասներ են։ Այս մասին մամուլի ասուլիսի ընթացքում հայտնել են ՆԳՆ Միգրացիայի և քաղաքացիության ծառայության պետ Նելլի Դավթյանը։
Տարվա առաջին կիսամյակում ՀՀ քաղաքացիության շնորհման ընդհանուր 14,770 որոշումներից 8,676-ը բաժին է ընկել ԼՂ-ից տեղահանվածներին։ Այս պահին համակարգում կա քննության ենթակա շուրջ 15,000 դիմում արցախցիներից։
«Մենք այս տարի, հատկապես նախընտրական շրջանում բազմիցս քննադատվել ենք, որ դանդաղ էր պրոցեսը, դիտավորություն կար և այլն։ Մենք ամեն հաջորդ ամիսը, ըստ էության, շատ ավելի շատ շնորհում ենք տվել, քան նախորդ ամիսը։ Սա հստակ արձանագրված, ուրեմն, միտում է»
ՆԳ նախարարի տեղակալ Արմեն Ղազարյանը հերքել է այն պնդումները, թե քաղաքացիության գործընթացը դիտավորյալ դանդաղեցվել է ընտրություններին մասնակցությունը սահմանափակելու նպատակով։ Նա նշել է, որ ծառայությունն աշխատել է ամբողջ կարողություններով, և տեմպերը նախորդ տարվա նույն շրջանի համեմատ կրկնապատիկ աճել են։
Մանրամասները՝ տեսանյութում։
Անի Թամրազյան
