04.09.2026 | 15:51
Մարալ Արթինը կխաղա Սաուդյան Արաբիայում
Դավիթ Շահնազարյանը՝ ԱԱԾ հրավիրվելու մասին
Հասարակություն
05.12.2018 | 12:22
«Հանրապետական» կուսակցության համամասնական ցուցակով առաջադրված պատգամավորի թեկնածու Դավիթ Շահնազարյանը ԱԱԾ ներկայանալու ծանուցագիրը նոր է ստացել ու դեռ չի հասցրել ծանոթանալ դրա բովանդակությանը։
Այս մասին Factor.am-ի հետ զրույցում ասաց Շահնազարյանը և հավելեց․ «Դեռ ծանոթ չեմ ինչ է գրված այդ ծանուցագրում, ծանոթանամ, նոր կորոշեմ` ինչ անել»։
Հիշեցնենք, որ երեկ հրավիրված մամուլի ակումբում Դավիթ Շահնազարյանը լրագրողներին հիշեցրել էր 1994-ից պատմական մի դրվագ.
«Հարց տվեք Սասուն Միքայելյանին, թե 1994 թվականի հունվարի առաջին կեսին Օմարի բարձունքները ինչպե՞ս զիջվեցին հակառակորդին, ո՞վ էր այդ հրամանատարներից մեկը և ո՞ւմ էր ուզում Վազգեն Սարգսյանը ռազմական իրադրության կանոններով ամենախիստ պատժի ենթարկել՝ գնդահակահարել, և ովքեր համոզեցին, որ չանի: Թող մանրամասները պատմի: Հարցրեք, թե ինչ ստորաբաժանումներ էին, որոնք հետ վերադարձրեցին այդ դիրքերը: Դրանք զիջելը չափազանց մեծ վտանգ էր ստեղծել մեզ համար»:
Ավելի ուշ՝ Դավիթ Շահնազարյանի այս հիշեցմանն արձագանքեց Սասուն Միքայելյանը։
