27.09.2026 | 14:38
Համաշխարհային օլիմպիադա. Հայաստանի հավաքակաները հաղթեցին վերջին տուրում
Ավետ Կոնջորյանին ուղեկցած ոստիկանության ծառայողն ազատվել է աշխատանքից
Հասարակություն
11.08.2026 | 18:38
Համացանցում տարածված տեսանյութում երևացող պարեկային ծառայողը, որն ուղեկցում էր Ազգային ժողովի փոխնախագահ Հայկ Կոնջորյանի հայհոյող եղբորը՝ Ավետ Կոնջորյանին, ազատվել է աշխատանքից։ Այս մասին Factor TV-ի հարցմանն ի պատասխան հայտնեցին Ներքին գործերի նախարարությունից։ Ո՞ր հիմքով է ազատվել, արդյո՞ք ծառայողական քննություն է նշանակված եղել, գերատեսչությունը չի մանրամասնում։
Հիշեցնենք՝ հուլիսի 27-ի առավոտյան տեսանյութ տարածվեց, որին կից նշվում էր, որ ծեծի է ենթարկվել Հայկ Կոնջորյանի եղբայրը։ Factor TV-ի հետ զրույցում Ավետ Կոնջորյանը նշել էր, որ հիվանդանոցում է, իրեն լավ չի զգում, ինչից հետո անջատել էր հեռախոսը։
Ավելի ուշ Ներքին գործերի նախարարությունից հայտնել էին, որ միջադեպի մասին հաղորդումը ստացել են հուլիսի 25-ին ժամը 14։00-ի սահմաններում, ինչից հետո մեկ անձ ձերբակալվել էր։
Քննչական կոմիտեից էլ Factor TV-ին հայտնել էին, որ դեպքի առթիվ ՀՀ քննչական կոմիտեի Կոտայքի մարզային քննչական վարչությունում նախաձեռնվել է քրեական վարույթ՝ մի խումբ անձանց կողմից ֆիզիկական ներգործության և խուլիգանության հատկանիշներով: Ավելի ուշ ձերբակալվել էր ևս 3 անձ, այս պահի դրությամբ Կոնջորյանի ծեծի գործով 5 մեղադրյալ կա, որոնց թվում է Աբովյանի ավագանու անդամ Նաիրի Հակոբյանը։
Լրագրող Վահե Մակարյանն իր էջում տեսանյութ էր հրապարակել, նշելով, որ Հայկ Կոնջորյանի ավագ եղբայրը, տարբեր օրերի մեքենայով անցել է Նաիրի Հակոբյանի տան մոտով և մեքենայից բարձրաձայն սեռական բնույթի հայհոյանքներ հնչեցրել Հակոբյանի ու նրա ընտանիքի անդամների հասցեին: Տվյալ տեսանյութում երևում էր, թե ինչպես է Կոնջորյանին ոստիկանական մեքենա ուղեկցում։
Ռոզա Վարդանյան
