04.09.2026 | 18:44
Աստղային ֆուտբոլիստներ, որոնք մնացել են առանց ակումբի
Խորապես հիասթափված եմ, որ Ավստրալիայի խորհրդարանը մինչև հիմա չի ճանաչել Հայոց ցեղասպանությունը. ավստրալացի պատգամավոր
Քաղաքականություն
04.12.2018 | 17:36
Ավստրալիայի խորհրդարանի ստորին պալատում Ցեղասպանություն հանցագործության և դրա համար պատժի մասին ՄԱԿ-ի կոնվենցիայի ընդունման 70-ամյակին նվիրված լսումների ժամանակ անդրադարձ է եղել նաև Հայոց ցեղասպանության ճանաչման հարցին: Այս մասին հաղորդում է Ավստրալիայի Հայ դատի հանձնախումբը:
Յոթ խորհրդարանականներ խոսել են փաստաթղթի ընդունման մասին, որում առանձին անդրադարձ կա 1915 թվականի Հայոց ցեղասպանությանը:
«Բոլոր յոթ պատգամավորներն արտահայտվեցին փաստաթղթի ընդունման օգտին: Նրանց մեծ մասն իրենց ելույթներում կոչ արեցին Ավստրալիային, որպես ՄԱԿ-ի կոնվենցիան վավերացրած առաջին երկրներից մեկը, պաշտոնապես ճանաչել Հայոց ցեղասպանությունը»,- նշում է Հայ դատի հանձնախումբը:
Հայկական ծագումով ավստրալացի պատգամավոր Թիմ Ուիլսոնը, որի նախաձեռնությամբ փաստաթուղթը ներկայացվել է քննարկման, հայտարարել է, որ խորապես հիասթափված է այն փաստից, որ Ավստրալիայի օրենսդիր մարմինը մինչև հիմա չի ճանաչել և չի դատապարտել Հայոց ցեղասպանությունը:
