06.08.2026 | 13:38
Արամ Վարդևանյանը Էդգար Ղազարյանի փոխարեն ներողություն խնդրելու պատրաստակամություն հայտնեց․ ՏԵՍԱՆՅՈՒԹ
«Ուժեղ Հայաստանը» ԱԺ-ից ստացած պարգևավճարներն ուղղելու է բարեգործության. ՏԵՍԱՆՅՈՒԹ
Քաղաքականություն
06.08.2026 | 12:40
Ազգային ժողովի նիստում պատգամավոր Սիսակ Գաբրիելյանը հետաքրքրվել է ԱԺ փոխնախագահի թեկնածու Արամ Վարդևանյանից, թե որ դեպքում պատրաստ կլինի լքել խորհրդարանը՝ Վարդևանյանն առանձնացրել է երկու հիմնական գործոն:
«Պատճառ համար մեկ՝ իմ թիմի որոշումը: Եթե «Ուժեղ Հայաստան» խմբակցությունը որոշում կկայացնի, որ ես պետք է մանդատս վայր դնեմ, ես այն կդնեմ՝ առանց որևէ վայրկյան վարանելու»,-նշել է թեկնածուն:
Որպես երկրորդ պատճառ Վարդևանյանը նշել է իրավական հիմքը՝ արտահերթ ընտրությունների հնարավորությունը. «Ըստ իրավունքի՝ եթե լինեն Ազգային ժողովի արտահերթ ընտրություններ, այդ ժամանակ մանդատը ինքստինքյան կսպառվի»:
Սիսակ Գաբրիելյանը բարձրացրել է նաև ֆինանսական վարձատրության հարցը՝ հետաքրքրվելով, թե արդյոք թեկնածուն ստանալու է սահմանված բարձր աշխատավարձն ու պարգևավճարները․ «Ուզում եմ հասկանալ՝ աշխատավարձը կստանա՞ք, պարգևավճարը կստանա՞ք: Եթե ասեք՝ ոչ, ինձ խնդրում եմ որպես իրավաբան ասեք այդ… որովհետև հնչել են հայտարարություններ»:
Մանրամասները՝ տեսանյութում։
Եվգենյա Համբարձումյան
