06.08.2026 | 11:47
«Մուլտի գրուպ» կոնցեռնի տնօրեն Արթուր Դալլաքյանը 2 ամսով կալանավորվեց
ՌԴ-ն և ՀՀ-ն քննարկում են Կապանում ռուսական գլխավոր հյուպատոսության և Վլադիկավկազում ՀՀ հյուպատոսական գրասենյակի բացումը․ Բագիր Մամիև
Քաղաքականություն
06.08.2026 | 10:54
Մոսկվան և Երևանը քննարկում են Կապանում Ռուսաստանի գլխավոր հյուպատոսության և Վլադիկավկազում Հայաստանի հյուպատոսական գրասենյակի բացման հարցը։ Այս մասին ՌԻԱ Նովոստիին հայտնել է Վլադիկավկազում Ռուսաստանի ԱԳՆ ներկայացուցչության ղեկավար Բագիր Մամիևը։
«Այսօրվա դրությամբ՝ այդ հարցը (Վլադիկավկազում Հայաստանի հյուպատոսական գրասենյակի բացումը ), ինչպես նաև Ռուսաստանի գլխավոր հյուպատոսության բացումը Կապանում, երկկողմ օրակարգից չի հանվել, սակայն դեռևս վաղաժամ է կոնկրետ ժամկետների մասին խոսել»,- ասել է Մամիևը։
Նա նաև ընդգծել է, որ Վլադիկավկազում ԱԳՆ ներկայացուցչությունը կայուն աշխատանքային կապեր է հաստատել Դոնի Ռոստովում գտնվող Հայաստանի գլխավոր հյուպատոսության հետ, այդ թվում՝ Վերին Լարսի անցակետում հայկական փոխադրողների հետ կապված հարցերի շուրջ, որը մնում է Ռուսաստանը Վրաստանի, իսկ հետագայում՝ Հայաստանի հետ կապող միակ ցամաքային ուղին։
Թարգմանությունը՝ Էմմա Չոբանյանի
