06.09.2026 | 22:03
«Սուրբ Հովհաննես» մատուռ բարձրացող քաղաքացին վնասել է ոտքը․ փրկարարներն օգնել են
Հայտնի է՝ որքան աշխատավարձ է «Ռեալն» առաջարկել Վինիսիուսին նոր պայմանագրով
05.08.2026 | 13:34
Մադրիդի «Ռեալը» Բրազիլիայի հավաքականի հարձակվող Վինիսիուս Ժունիորին առաջարկել է նոր պայմանագիր` տարեկան 22 միլիոն եվրո աշխատավարձով։
ESPN-ը գրում է, որ 26-ամյա ֆուտբոլիստը ցանկանում է ստանալ ավելի շատ՝ տարեկան 30 միլիոն եվրո։ Վինիսիուսը կարծում է, որ դա լինելու է իր կարիերայի վերջին խոշոր պայմանագիրը և վստահ է, որ արժանի է ակումբի հաջողության մեջ իր ներդրմանը համարժեք աշխատավարձի։
Վինիսիուս Ժունիորը 2018 թվականից է խաղում «Արքայական ակումբում», որի հետ պայմանագիր ունի մինչև 2027թ. հունիսի 30-ը: Նախորդ մրցաշրջանում հարձակվողը մասնակցել է 53 հանդիպման, դարձել 22 գոլի ու 14 գոլային փոխանցման հեղինակ: Transfermarkt-ը 140 միլիոն եվրո է գնահատում բրազիլացու տրանսֆերային արժեքը։
