04.09.2026 | 23:57
Էդուարդ Սպերցյանի գոլն օգնեց «Ալ Ահլիին» վստահ հաղթանակ տանել. ՏԵՍԱՆՅՈՒԹ
Ինչո՞ւ եք 14 տարեկան երեխային տանջում, թողեք՝ մորը տեսնի․ Խաչատրյանը՝ Արեգնազ Մանուկյանի դստեր մասին. ՏԵՍԱՆՅՈՒԹ
Քաղաքականություն
05.08.2026 | 11:50
Ազգային ժողովի նիստի ժամանակ «Հայաստան» խմբակցության պատգամավոր Արթուր Խաչատրյանը խոսել է խորհրդարանական բարեկրթության, տնտեսական գործընթացների և մարդու իրավունքների վերաբերյալ։
Պատգամավորը նշել է, որ բարեկրթությունը ենթադրում է երկխոսության որոշակի կանոնների պահպանում, որտեղ հնչող հարցն ու պատասխանը պետք է աղերս ունենան իրար հետ։ Նա հայտարարել է, որ իշխանության ներկայացուցիչների պատասխանները հաճախ չեն առնչվում տրված հարցերին։ Խաչատրյանի խոսքով՝ լեզվական մակերեսի տակ երբեմն առկա է անարգանք հարց տվողի նկատմամբ։
Պատգամավորը բարձրացրել է Արեգնազ Մանուկյանի և նրա 14-ամյա դստեր՝ իրար հետ շփվելու իրավունքից զրկված լինելու հարցը։ Նա հարցրել է, թե ինչու է խափանման միջոց կալանքն օգտագործվում որպես տանջանք։ Խաչատրյանը շեշտել է, որ երեխան չի կարող ազդել արդարադատության կամ ցուցմունքների վրա։
Մանրամասները՝ տեսանյութում։
Եվգենյա Համբարձումյան
