27.09.2026 | 18:41
ՏԻՄ ընտրությունների մասնակցության արդյունքները ըստ համայնքների՝ 17։00-ի դրությամբ
Մոտիկից չեմ տեսել ռուսի, որը զենք է վաճառել Ադրբեջանին` Հայաստանի դեմ կիրառելու համար. Կարապետյան․ ՏԵՍԱՆՅՈՒԹ
Քաղաքականություն
03.08.2026 | 15:05
Ընդդիմադիր «Ուժեղ Հայաստան» խմբակցության ղեկավար Նարեկ Կարապետյանը Factor TV-ի հարցին՝ արդյո՞ք վերջնականացվել է Ազգային ժողովի փոխնախագահի թեկնածուն, պատասխանեց, որ թեկնածուն արդեն որոշված է, սակայն անունը կհայտարարի ճեպազրույցի ընթացքում՝ գործընկերների ներկայությամբ։
Հարցին՝ ի՞նչ սկզբունքով է ընտրվել թեկնածուն, Կարապետյանը պատասխանեց, որ հաշվի են առնվել պրոֆեսիոնալիզմը, փորձը և այն, որ նա կարող է լինել աշխատող Ազգային ժողովի արժանի փոխնախագահ։ Նարեկ Կարապետյանը նաև ասաց, որ խորհրդարանը պետք է աշխատի, որպեսզի հնարավոր լինի երկրում փոփոխություններ իրականացնել։
Լրագրողի հարցին՝ արդյո՞ք մոտիկից տեսել է ռուսի, որն ադրբեջանցիներին զենք է վաճառել՝ Հայաստանի և Արցախի դեմ կիրառելու համար, Կարապետյանը պատասխանեց, որ անձամբ նման մարդու չի տեսել և չի ճանաչում։ Նա հավելեց, որ ճանաչում է այլ մարդկանց, որոնց մասին պատրաստ է խոսել հետագայում։
Մանրամասները՝ տեսանյութում։
Նարեկ Կիրակոսյան
