01.11.2026 | 21:56
Լրագրողներն այցելել են բանակային դիրք ու ամրացված շրջան, հանդիպել Սուրեն Պապիկյանի հետ
1 տրիլիոն դրամից ավելի ավանդներ, 800 մլրդ դրամ վարկեր․ Ամերիաբանկն ամփոփել է մանրածախ բանկինգի 2026-ի առաջին կիսամյակը
Տեսանյութեր
28.07.2026 | 21:35
Վճարովի բովանդակություն
Ամերիաբանկի հաճախորդների թիվը՝ ավելի քան 900 հազար, մանրածախ վարկային պորտֆելը՝ ավելի քան 800 միլիարդ դրամ, իսկ հաջորդ նպատակը՝ մեկ միլիոն հաճախորդ և նոր սերնդի թվային ծառայություններ։ Ամերիաբանկն ամփոփել է մանրածախ բանկինգի առաջին կիսամյակի արդյունքներն ու խոսել առաջիկա ծրագրերի մասին՝ սկսած նոր Persona և Premium մասնաճյուղերից մինչև MyAmeria հավելվածի ընդլայնում։
«Եթե մենք համեմատում ենք թվային տիրույթում ակտիվությունը և հաճախորդների բազայի աճը, ակտիվությունը մոտ երկու անգամ ավելի առաջանցիկ տեմպով է աճում, որը ցույց է տալիս, որ մեզ հաջողվում է ոչ միայն ընդլայնել մեր հաճախորդների բազան, այլ նաև արդեն իսկ գործող հաճախորդների ակտիվությունը էականորեն աճի տեմպ է դրսևորում»,- ասաց Ամերիաբանկի մանրածախ բանկինգի գծով տնօրեն Արման Բարսեղյանը։
Մանրածախ բանկինգի առաջին կիսամյակի կարևոր ցուցանիշներից մեկը հաճախորդներից ներգրավված միջոցների ծավալն է։ Այն առաջին անգամ գերազանցել է 1 տրիլիոն 30 միլիարդ դրամը։ Բանկում ընդգծում են, որ հատկապես աճել են դրամային և ցպահանջ ավանդները։ Տարեսկզբից ժամկետային ավանդների պորտֆելն աճել է 19 տոկոսով՝ հասնելով 423 միլիարդ դրամի, իսկ ցպահանջ ավանդների ծավալն ավելացել է 18 տոկոսով՝ կազմելով 446 միլիարդ դրամ։
«Դրամային ավանդների առաջանցիկ աճի տեմպը վճռական նշանակություն ունի, քանի որ դա նաև հնարավորություններ է ստեղծում դրամային վարկավորման ծավալման համար»,- նշեց Բարսեղյանը։
Վարկային պորտֆելի մասով վերջին հինգ տարիներին տարեկան միջին աճը պահպանվել է մոտ 30 տոկոսի մակարդակում։ Մանրածախ բանկինգի գծով վարկային պորտֆելը հունիսի 30-ի դրությամբ գերազանցել է 800 միլիարդ դրամի շեմը, հատկապես արագ է աճել հիփոթեքային վարկավորման ուղղությունը՝ գերազանցելով 400 միլիարդի շեմը։
Անկանխիկ գործարքների ուղղությամբ ևս արձանագրվել է աճ։ Վերջին հինգ տարիներին քարտերի քանակի տարեկան միջին աճը կազմել է մոտ 37 տոկոս։ Աճում է նաև թվային տիրույթում գործարքների մասնաբաժինը:
«Եթե նայում ենք բանկի գործարքների կառուցվածքը, ապա մենք մասնաճյուղային ցանցում այժմ իրականացնում ենք մեր գործարքների ընդամենը 1%-ը։ Այսինքն՝ բանկի գործարքների ընդհանուր 99%-ը իրականացվում է մասնաճյուղից դուրս՝ թվային հարթակներով կամ ինքնասպասարկման մեքենաներով»,- ընդգծեց բանկի մանրածախ բանկինգի գծով տնօրենը։
Ամերիաբանկն առաջիկայում նախատեսում է զարգացնել հաճախորդների սեգմենտավորված սպասարկումը։
«Հաճախորդների սպասարկման որակը է՛լ ավելի բարելավելու տրամաբանության ներքո հաճախորդների սեգմենտների համար բացում ենք արդեն մասնագիտացված մասնաճյուղեր, և առաջին Persona և Premium մասնաճյուղերը կբացենք մինչև տարեվերջ»,- ասաց Արման Բարսեղյանը։
Բանկը փոխում է նաև հաճախորդների սպասարկման մոտեցումը՝ անհատական հաճախորդից անցում կատարելով ընտանիքի կոնցեպտին։ Այս տրամաբանության շրջանակում բանկը զարգացնում է նաև երեխաների և դեռահասների համար նախատեսված լուծումները։ Նրանց համար արդեն իսկ ստեղծվել է MyAmeria Star հավելվածը:
Ասուլիսին ներկայացվեցին նաև MyAmeria հավելվածի նոր հնարավորությունները, MyHome, MyCar, MyInvest և MyBusiness հարթակները, առաջիկա ծրագրերը, թվայնացման և արհեստական բանականության օգտագործման ուղղությամբ բանկի կողմից իրականացվող նախաձեռնությունները:
Մանրամասները՝ տեսանյութում։
Արփի Հակոբյան
