19.08.2026 | 23:15
Նոր տոն․ հունիսի 23-ը նշվելու է որպես Հանրային ծառայողի օր
Երևան-Սևան-Իջևան ավտոմայրուղու 20,7 կիլոմետրանոց հատվածը ենթարկվում է միջին նորոգման
Տնտեսություն
24.07.2026 | 16:46
Մ-4, Երևան-Սևան-Իջևան-ՀՀ սահման միջպետական նշանակության ավտոճանապարհի միջին նորոգման աշխատանքները կմ51+100-կմ 68+000 ձախ ու աջ գոտիների հատվածներում ընթացքի մեջ են։
Ինչպես տեղեկացրին Գեղարքունիքի մարզպետի աշխատակազմի քաղաքաշինության, հողաշինության և ենթակառուցվածքների կառավարման վարչությունից, ծրագիրն իրականացվում է ՀՀ ՏԿԵ նախարարության պատվիրատվությամբ և պետական բյուջեի միջոցներով։
Ծրագրի պայմանագրային արժեքը կազմում է 1 միլիարդ 89 միլիոն 300 հազար դրամ։ Գագարին բնակավայրի մոտով անցնող և մինչև Սևան հասնող նորոգվող ճանապարհահատվածի ձախ գոտու երկարությունը կազմում է 16.9 կմ, աջ գոտու երկարությունը՝ 3,8 կմ։
Ծրագրով նախատեսված է եղած ասֆալտբետոնե ծածկի ֆրեզման, անհրաժեշտության դեպքում՝ փոսային նորոգման ու հարթեցնող շերտի տեղադրման և 5 սմ շերտով ասֆալտբետոնե նոր ծածկի կառուցման աշխատանքներ։ Միջին նորոգման ենթարկվող ճանապարհի ընդհանուր մակերեսը կազմում է 237 հազար 721 քմ։ Շինարարական աշխատանքները, որոնք կատարվել են շուրջ 65 տոկոսով, կավարտվեն օգոստոսի երրորդ տասնօրյակում։
