21.10.2026 | 23:30
Էրդողանն ու Ալիևը հեռախոսազրույց են ունեցել՝ Բաքվի կողմից Անկարայի նկատմամբ կոշտ քայլերի ֆոնին
Ռուբիոն հայտարարել է, որ Իրանն «աղաչում է» ԱՄՆ-ին գործարք կնքել
Քաղաքականություն
23.07.2026 | 15:29
«Իրանը մեզ աղաչում է՝ թե՛ ուղղակիորեն, թե՛ անուղղակիորեն. «Եկեք գործարքն անենք։ Եկեք խոսենք։ Եկեք խոսենք»»։ Մանիլայում ԱՍԵԱՆ-ի գագաթնաժողովի շրջանակում լրագրողների հետ զրույցում այս մասին հայտարարել է ԱՄՆ պետքարտուղար Մարկո Ռուբիոն՝ մեկնաբանելով Դոնալդ Թրամփի վերջին սպառնալիքները՝ «ռմբակոծել և ոչնչացնել» կամուրջ կամ էլեկտրակայան ամեն անգամ, երբ Իրանը թիրախավորում է նավ Հորմուզի նեղուցում, փոխանցում է CNN-ը։
Նա հավելել է, որ ամեն անգամ, երբ ԱՄՆ-ը և Իրանը համաձայնության են գալիս հրադադարի համաձայնագրի շուրջ, «այնտեղ պատասխանատու մարդիկ կա՛մ խախտում են այն, կա՛մ ուզում են փոխել այն»։
«Այսպիսով, նրանք շարունակելու են վճարել գինը, և ամեն գիշեր գինը գնալով ավելի ու ավելի է բարձրանում։ Այս պահին, ըստ երևույթին, նրանք դեռ չեն ուշքի եկել, ուստի նախագահը մեծ օգուտ չի տեսնում նրանց առաջարկներին արձագանքելու մեջ, քանի որ Իրանն ակնհայտորեն պատրաստ չէ գործարք կնքել, առնվազն՝ այնպիսի գործարք, որին նրանք պատրաստ կլինեն հետևել»,- նշել է ԱՄՆ պետքարտուղարը։
Իրանի գլխավոր դիվանագետ Աբբաս Արաղչին վերջերս երկրի պաշտպանական դոկտրինը բնութագրել էր որպես «ակն ընդ ական»։
«Իրանի դեմ ցանկացած ագրեսիա, այդ թվում՝ մեր ենթակառուցվածքների դեմ, կառաջացնի հզոր և վճռական պատասխան»,- չորեքշաբթի ուշ երեկոյան X -ում նշել էր Արաղչին։
Թարգմանությունը՝ Էմմա Չոբանյանի
