27.09.2026 | 22:23
Համաշխարհային օլիմպիադա. Հայաստանի հավաքականները երրորդն են A խմբում. ԼՈՒՍԱՆԿԱՐՆԵՐ
ԱԱ-2026․ Եզրափակիչում՝ Իսպանիա – Արգենտինա․ ՏԵՍԱՆՅՈՒԹ
16.07.2026 | 01:03
ԱՄՆ-ում, Կանադայում և Մեքսիկայում ավարտին մոտեցող ֆուտբոլի աշխարհի առաջնության չեմպիոնի կոչումը կվիճարկեն Արգենտինայի ու Իսպանիայի հավաքականները։
Երկրորդ կիսաեզրափակիչում աշխարհի գործող չեմպիոն Արգենտինայի հավաքականը 2:1 հաշվով կամային հաղթանակ տարավ անգլիացիների նկատմամբ (տեսանյութ)։ Հանդիպումը կայացավ Ատլանտայում։
Առաջին խաղակեսն անցավ առանց գոլային պահերի ու ավարտվեց 0:0 հաշվով։
Հանդիպման հաշիվը 55-րդ րոպեին բացեց «Բարսելոնայի» նորեկ Էնթոնի Գորդոնը` առաջ մղելով Անգլիայի հավաքականին։
Բաց թողած գոլից հետո արգենտինացիներն ակտիվացան և կարողացան ոչ միայն հավասարեցնել հաշիվը, այլև կամային հաղթանակ կորզել։
85-րդ րոպեին հավասարությունը վերականգնեց Լոնդոնի «Չելսիի» կիսապաշտպան Էնցո Ֆերնանդեսը, որին գոլային փոխանցում կատարեց Լիոնել Մեսին։
Ավելացված երկրորդ րոպեին Արգենտինայի հավաքականի հաղթական գոլը խփեց իտալական «Ինտերի» հարձակվող Լաուտարո Մարտինեսը, իսկ Լիոնել Մեսին գրանցեց երկրորդ ասիստը։
Ավելի վաղ Իսպանիայի հավաքականը 2։0 հաշվով հաղթել էր ֆրանսիացիներին ու դարձել եզրափակիչի առաջին մասնակիցը։ ԱԱ-2026-ի եզրափակիչը կայանալու է հուլիսի 19-ին Նյու Ջերսիի «Մետլայֆ Սթեդիում» մարզադաշտում։ Ֆրանսիայի ու Անգլիայի հավաքականները հուլիսի 18-ին կմրցեն երրորդ տեղի համար խաղում։
ԱԱ-2026, կիսաեզրափակիչ
Անգլիա – Արգենտինա՝ 1։2
Էնթոնի Գորդոն, 55 – Էնցո Ֆերնանդես, 85, Լաուտարո Մարտինես, 90+2
