03.07.2026 | 14:23
Մետրոպոլիտենի արդիականացման պրոցեսում կանգեր ենք ունենալու. Տիգրան Ավինյան. ՏԵՍԱՆՅՈՒԹ
Փաշինյանի անունը հեռացվել է Եկատերինբուրգում կայանալիք միջոցառման ելույթ ունեցողների ցանկից
Քաղաքականություն
03.07.2026 | 13:15
ՀՀ վարչապետ Նիկոլ Փաշինյանը հուլիսի 6-9-ը Եկատերինբուրգում կայանալիք «Իննոպրոմ 2026» միջազգային արդյունաբերական ցուցահանդեսին ելույթ չի ունենա։ Այս մասին տեղեկանում ենք միջոցառման պաշտոնական կայքից։
Ավելի վաղ, Radar.am-ը գրել էր, որ Հայաստանի վարչապետը մասնակցելու է«Իննոպրոմ 2026»-ին՝ հրապարակելով ցուցահանդեսի կայքից էկրանապատկեր, որտեղ ելույթ ունեցողների ցանկում նշված էր նաև Նիկոլ Փաշինյանի անունը։
Այս պահին ելույթ ունեցողների ցանկում Նիկոլ Փաշինյանի անունը չկա։
ՀՀ կառավարությունը Փաշինյանի մասնակցության վերաբերյալ տեղեկատվություն չի հաղորդել։ Վարչապետի խոսնակի և Կառավարության լրատվության ծառայության հետ կապ հաստատել մեզ չհաջողվեց։
Միաժամանակ, վարչապետի ընտանիքին պատկանող «Հայկական ժամանակը» գրում է, որ Նիկոլ Փաշինյանը մասնակցելու է «Ինպրոմ-2026» ցուցահանդեսին։
Մասնակիցների թվում է նաև ՌԴ վարչապետ Միխայիլ Միշուստինը։
Անի Թամրազյան
