21.01.2026 | 21:44
Հոգևորականը երեկ միացել էր Փաշինյանին, այսօր՝ Գարեգին Բ-ին․ ճնշումների մասին ահազանգեր. ՏԵՍԱՆՅՈՒԹ
Դատարանների վրա աննախադեպ ճնշումներ են գործադրում․ Հայկ Ալումյան. ՏԵՍԱՆՅՈՒԹ
Հասարակություն
29.11.2018 | 16:32
Դատարանների վրա աննախադեպ ճնշումներ են գործադրում․ այս մասին այսօր Ռ․ Քոչարյանի գործով դատական նիստի ընդմիջման ժամանակ լրագրողների հետ զրույցում ասաց պաշտպան Հայկ Ալումյանը։
«Ոչ մի դատավոր չի կարող իրեն ապահովագրված զգալ, որ եթե մի օր որևէ դատական ակտ դուր չգա գործադիր իշխանությանը, ժողովրդին չի բերի դատարանը պաշարելու, ինչպես արվեց Ազգային ժողովի դեպքում։ Ես կարծում եմ, որ այդ ամեն ինչը պետք է վերանայվի»,- ասաց պաշտպանը։
Պաշտպանը խոսեց նաև ՀՔԾ պետի և ԱԱԾ տնօրենի հեռախոսազրույցի գաղտնալսման փաստն իրենց կողմից դատարանում օգտագործելու մասին և ասաց. «Եթե հեռախոսազրույցի գաղտնալսման հետ Քոչարյանը կապ ունենար, վաղուց բացահայտված կլինեին, և ապացույցներով ներկայացրած կլինեին։ Միգուցե ձայնագրությունն այնպիսի ճանապարհներով է տեղի ունեցել, որ քննչական մարմիններին ձեռնտու չէ բացահայտել», ֊ասում է Հայկ Ալումյանը։
Նա ասաց, որ ամեն ինչ են փորձում ծառայեցնել Քոչարյանի շահերին, ձայնագրությունը՝ ևս. «Դա չի նշանակում, որ մենք ենք կազմակերպել», ֊ հավելեց պաշտպանը։
Մանրամասները՝ տեսանյութում։
