28.09.2026 | 00:15
ՔՊ, 95.1%. Սուրեն Թումանյանը վերընտրվեց Թումանյանի համայնքապետի պաշտոնում. Լոռու մարզպետ
Պատ, դուռ, պատուհան չպիտի լինի, հենց բոլորը տեղափոխվեցին վթարային շենքը միանգամից պիտի քանդվի․ ՏԵՍԱՆՅՈՒԹ
Տեսանյութեր
29.06.2026 | 11:27
«Բոլոր այն բնակարանները, որոնցից մարդիկ արդեն տեղափոխվել են, ոչ պատ պիտի ունենան, ոչ դուռ, ոչ էլ պատուհան: Եվ հենց բոլորը տեղափոխվեցին, չորրորդ կարգի վթարային շենքը միանգամից պիտի քանդվի»,- այս մասին ասաց Երևանի քաղաքապետ Տիգրան Ավինյանը՝ անդրադառնալով Արզումանյան 10 և 17 հասցեներում գտնվող 4-րդ կարգի վթարային շենքերի քանդման և բնակիչների վերաբնակեցման գործընթացին։
Երևանի կառուցապատման ներդրումային ծրագրերի իրականացման գրասենյակ» ՀՈԱԿ-ի տնօրենի ժամանակավոր պաշտոնակատար Անետա Բաբայանի խոսքով՝ Արզումանյան 10 և 17 շենքերի օտարման գործընթացը 87%-ով ավարտվել է։
«Ընդհանուր 76 միավորից արդեն կնքվել է 66 գույքի պայմանագիր։ Հատկապես 10-րդ շենքի մասով օտարման գործընթացը գրեթե ավարտված է, և հունիսի 19-ից արդեն մեկնարկել են նախագծման թույլտվության ստացման աշխատանքները՝ նույն վայրում նոր բազմաբնակարան շենք կառուցելու նպատակով», – ասաց Բաբայանը։
Նշվեց, որ ազատված տարածքները հսկվում են համապատասխան ստորաբաժանումների կողմից, որպեսզի կանխվեն նոր զավթումները։ Իսկ այն բնակիչների մասով, որոնք դեռ չեն համաձայնվել օտարման պայմաններին, դատավարական գործընթացներ են ընթանում, այդ թվում՝ հարկադիր օտարման վճիռների ստացման նպատակով։
Մանրամասները՝ տեսանյութում։
