ՌԴ-ի դրդմամբ այդ ուժերը ՍԴ դիմեցին՝ ապալեգիտիմացնելու ընտրության արդյունքը․ կվերցնեն մանդատները՝ ԱԺ կգնան․ Անահիտ Ադամյան․ ՏԵՍԱՆՅՈՒԹ

Լուրեր

22.11.2026 | 01:11
Սերգեյ Ջանջոյան. «Դենիս Ջորկաեֆն արդեն հասցրել է իր իսկ հայտարարած սկզբունքներին դեմ գնալ»
21.11.2026 | 23:51
Դենիս Ջորկաեֆ. «Տեղափոխվում եմ Հայաստան, սովորում եմ հայերեն»
21.11.2026 | 21:28
Դենիս Ջորկաեֆը` ՀՖՖ նախագահի թեկնածու
21.11.2026 | 20:05
3,1 միլիոնի շուրջ կասկածներ․ ինչպե՞ս են հաշվում բնակչության թիվը․ ԱՉՔԻ ՏԱԿ
21.11.2026 | 19:41
GTA VI-ն ռեկորդային վաճառք է գրանցել՝ մեկ օրում ապահովելով 3,79 միլիարդ դոլարի եկամուտ
21.11.2026 | 19:12
Քննարկվել են Հայաստան-Մալթա հարաբերությունների հետագա խորացման հարցեր
21.11.2026 | 19:01
Այսօրվա Երևանն ագրեսիվ քաղաք է, մենք ենք փոխվել, դրան զուգահեռ՝ քաղաքը․ Էմ Կալմուխյան. ՏԵՍԱՆՅՈՒԹ
21.11.2026 | 18:54
Կենտրոնում ամբողջ շաբաթ փոշու պարունակությունը գերազանցել է սահմանային շեմը
21.11.2026 | 18:23
Հայաստանը և Իրանը պայմանավորվել են ընդլայնել համագործակցությունը բարձր տեխնոլոգիաների և նորարարության ոլորտներում
21.11.2026 | 18:02
Փաշինյանն ընդունել է Dell Technologies-ի տարածաշրջանային նախագահին․ քննարկվել են Հայաստանում նոր ներդրումների հնարավորությունները
21.11.2026 | 17:57
Վարչապետը հանդիպում է ունեցել է Խաղաղության Նոբելյան մրցանակակիր Քայլաշ Սաթյարթիի հետ
21.11.2026 | 17:46
ՏԻՄ ընտրությունների նախընտրական փուլում արձանագրվել է 43 միջադեպ և խախտում․ «Անկախ դիտորդ»
21.11.2026 | 17:18
Ինչ եղանակ է սպասվում առաջիկա օրերին
21.11.2026 | 16:54
Ակրոպոլիսի թանգարանում բացվել է հին Հայաստանին նվիրված բացառիկ ցուցահանդես
21.11.2026 | 16:37
Հրդեհ Եղվարդ քաղաքում. հրշեջ-փրկարարները կանխել են հրդեհի տարածումը դեպի հարակից բնակելի տուն
Բոլորը

«Հանրապետություն» կուսակցության քաղաքական խորհրդի անդամ Անահիտ Ադամյանը Factor TV-ի հետ զրույցում անդրադարձել է արտահերթ խորհրդարանական ընտրությունների արդյունքներին, դրանք Սահմանադրական դատարանում չբողոքարկելու որոշմանը և հայ-ռուսական հարաբերությունների հետագա զարգացումներին։

Ադամյանը նշեց, որ իրենց քաղաքական ուժը չի դիմելու Սահմանադրական դատարան՝ ընտրությունների արդյունքները վիճարկելու համար, քանի որ չի տեսնում դրա անհրաժեշտությունը։

«Ես կարծում եմ, որ ակնհայտ է այդ ամեն ինչը, և հերթական անգամ Սահմանադրական դատարան դիմելու որևէ անհրաժեշտություն չկա։ Պարզապես, այդ ուժերի դիմումը Սահմանադրական դատարան ինձ վրա մի քիչ այլ տպավորություն է թողնում․․․ հիշու՞մ եք, հին հայկական ասույթը՝ գողը գոռաց, բռնե՛ք գողին։ Ուրիշ ոչինչ։ Ես չեմ կարծում, որ Սահմանադրական դատարան դիմելը որևէ լուրջ նշանակություն ունի ընդհանրապես»։

Նրա խոսքով՝ խնդիրը ոչ թե ընտրությունների արդյունքների վիճարկումն է, այլ այն մթնոլորտը, որ ստեղծել էր Ռուսաստանը դեռ մինչև ընտրությունները։

Ադամյանը կարծում է, որ հետընտրական շրջանում խորհրդարան անցած ընդդիմությունը շարունակելու է ապակայունացնել իրավիճակը՝ առաջնորդվելով ոչ թե Հայաստանի, այլ Ռուսաստանի շահերով։

«Այս բոլոր հարցերը, որոնք Հայաստանի Հանրապետության՝ իբրև պետություն, օրակարգում են, իբրև պետություն, կարևորագույն հարցերը նրանց ընդհանրապես չի հուզում։ Կամ եթե հուզելու են, նրանք փորձելու են այդ հարցերը խափանել։ Որովհետև մեզ համար հիմա գերկարևոր է Հայաստանի Հանրապետության տարածքով անցնող ԹՐԻՓՓ-ի հնարավորինս արագ կառուցումը»։

Ադամյանը շեշտեց, որ Հայաստանը գտնվում է հիբրիդային պատերազմի մեջ, և իշխանությունը պետք է կոնկրետ քայլեր ձեռնարկեր՝ ժողովրդավարությունն ամրապնդելու համար։

«Ինչքա՞ն ժամանակ էինք խոսում հիբրիդային պատերազմ, հիբրիդային պատերազմ։ Անգամ Եվրամիությունից աջակցություն էինք հայցում հիբրիդային պատերազմի դեմ արդյունավետ պայքարելու համար, ակնկալում և ստացանք։ Բայց եթե դու դիմում ես Եվրամիությանը, այն քայլերը, որոնք քո իշխանության տակ են, որոնք քո հնարավորությունների սահմաններում են, ինչու՞ դու չես անում այդ ժողովրդավարությունը հնարավորինս անխոցելի դարձնելու համար»։

Ադամյանը կարծում է, որ Հայաստանի և Ռուսաստանի հարաբերությունների առանցքում այժմ ոչ թե ԵՏՄ-ն է, այլ ռազմաբազայի, սահմանապահների և տնտեսական կախվածության հարցերը։

«Վստահեցնում եմ ձեզ, բացարձակապես ԵՏՄ-ն չի հարցը։ ԵՏՄ-ն այսպես, ուղղակի միջոց է այդ խնդիրներին չանդրադառնալու կամ այդ խնդիրները ասպարեզ բերելու։ Հիմա Ռուսաստանի և Հայաստանի հարաբերությունների առանցքում հիմնական խնդիրները ռազմաբազան են, 102-րդ ռազմաբազայի Հայաստանի Հանրապետության տարածքում հետագա տեղակայումը, Հայաստանի Հանրապետության տարածքից ընդհանրապես ռուս սահմանապահների, բացարձակապես, ամբողջությամբ ռուս սահմանապահների դուրս բերումը»։

Ադամյանի համոզմամբ՝ Հայաստանի իշխանությունները պետք է առաջնորդվեն բացառապես Հայաստանի շահերով և չվախենան Ռուսաստանի հնարավոր ճնշումներից։

Հարցազրույցն ամբողջությամբ՝ տեսանյութում։

Ռոբերտ Անանյան