26.06.2026 | 13:23
Սաֆարյանն ասել է՝ կուսակցական գործունեություն չի ծավալել, չնայած՝ ուժի ցուցակում է եղել․ ՏԵՍԱՆՅՈՒԹ
Ալեն Սիմոնյանը մեկ օր անց շնորհավորեց Ռուբեն Ռուբինյանին` ԱԺ նախագահի թեկնածու ընտրվելու կապակցությամբ
Քաղաքականություն
26.06.2026 | 10:45
ՀՀ ԱԺ նախագահ Ալեն Սիմոնյանը շնորհավորել է Ռուբեն Ռուբինյանին՝ ՔՊԿ վարչության կողմից ԱԺ 9-րդ գումարման նախագահի թեկնածու ընտրվելու կապակցությամբ։
«Շնորհավորում եմ իմ գործընկեր Ռուբեն Ռուբինյանին՝ «Քաղաքացիական պայմանագիր» կուսակցության վարչության կողմից ԱԺ 9-րդ գումարման նախագահի թեկնածու ընտրվելու կապակցությամբ: Համոզված եմ, որ նա պատվով կշարունակի մեր միասին սկսած գործը, հանուն Հայաստանի Հանրապետության»,- գրել է Սիմոնյանը։
Հիշեցնենք, որ «Քաղաքացիական պայմանագիր» կուսակցության վարչությունը երեկ կայացած նիստի ընթացքում Ազգային ժողովի նախագահի թեկնածու է ընտրել ԱԺ փոխնախագահ Ռուբեն Ռուբինյանին։ Խորհրդարանի 9-րդ գումարման ԱԺ նախագահի թեկնածուներ էին նաև գործող նախագահ Ալեն Սիմոնյանը և ՔՊ խմբակցության ղեկավար Հայկ Կոնջորյանը։
Որոշումից հետո ՔՊ խմբակցության ղեկավար Հայկ Կոնջորյանը սոցիալական ցանցում շնորհավորել էր Ռուբինյանին՝ հրապարակելով նրա լուսանկարը և գրելով. «Շնորհավորում եմ, սիրելի՛ Ռուբեն։ Համոզված եմ, որ Ազգային ժողովի նախագահի պաշտոնում ևս պատվով կծառայես Հայաստանի Հանրապետությանը և հայ ժողովրդին»։
Ալեն Սիմոնյանը հեռացել էր նիստից՝ չպատասխանելով լրագրողների հարցերին։ Մեկ օր անց Սիմոնյանը ևս շնորհավորեց Ռուբինյանին։
